POP 5

Lajmet më të lexuara të 5 minutave të fundit

Bota

Akuzat ndaj djalit të Biden, avokati: I ka paguar taksat, po penalizohet nga mbiemri

Djali i presidentit amerikan Joe Biden, Hunter Biden, deklaroi të enjten në një gjykatë federale në Los Anxhelos se është i pafajshëm për akuzat për mospagim taksash që kanë lidhje me marrëveshjet e tij të biznesit. Këto marrëveshje janë bërë shkak edhe për një hetim që do të përcaktojë nëse ka baza për ngritjen e akuzave për shkarkimin e presidentit Biden

Akuzat ndaj djalit të Biden, avokati: I ka paguar taksat, po penalizohet nga mbiemri

Hunter Biden

Djali i presidentit amerikan Joe Biden, Hunter Biden, deklaroi të enjten në një gjykatë federale në Los Anxhelos se është i pafajshëm për akuzat për mospagim taksash që kanë lidhje me marrëveshjet e tij të biznesit. Këto marrëveshje janë bërë shkak edhe për një hetim që do të përcaktojë nëse ka baza për ngritjen e akuzave për shkarkimin e presidentit Biden.

53 vjeçari Hunter Biden akuzohet se nuk ka paguar 1.4 milionë dollarë taksa nga viti 2016 deri në vitin 2019, ndërkohë që ka shpenzuar miliona dollarë për drogë, eskorta, makina të shtrenjta dhe shpenzime të tjera të larta.

Ai përballet me deri në 17 vjet burg nëse shpallet fajtor. I pyetur nga gjykatësi Mark Scarsi se si e deklaronte veten në këtë rast, ai u përgjigj: "I pafajshëm". Gjykatësi caktoi 20 qershorin si datë gjyqi.

Abbe Lowell, avokati i djalit i zotit Biden, djalit të presidentit ka thënë se klienti i tij i ka paguar taksat e prapambetura dhe se po penalizohet për shkak të mbiemrit të tij. Hunter Biden ka deklaruar gjithashtu pafajësinë për një çështje tjetër federale në Delaware, ku akuzohet se nuk kishte thënë të vërtetën për përdorimin e paligjshëm të drogës nga ana e tij kur bleu një armë.

Në të dyja rastet, akuzat u ngritën nga prokurori federal David Weiss, i cili ka bërë hetime për zotin Biden që nga viti 2019 dhe vitin e kaluar u emërua si prokuror i posaçëm. Një gjykatës federal hodhi poshtë një marrëveshje të propozuar për pranimin e fajësisë verën e kaluar. Departamenti i Drejtësisë ka thënë se hetimi ndaj Hunter Bidenit është në vazhdim e sipër.

Republikanët e Dhomës së Përfaqësuesve të SHBA-së po bëjnë presion duke kërkuar që Hunter Biden të ndëshkohet pasi nuk pranoi të dëshmojë me dyer të mbyllura në hetimin për të përcaktuar nëse ka bazë për një hetim për babain e tij. Hunter Biden ka ofruar të dëshmojë publikisht në hetim, por ligjvënësit e kundërshtuan një gjë të tillë.

Ai u paraqit papritur të mërkurën në Kongresin amerikan, duke shkaktuar reagimin e anëtarëve të Komisionit të Dhomës së Përfaqësuesve për Mbikëqyrjen të cilët debatuan me njeri- tjetrin dhe e qortuan atë për paraqitjen e papritur.

Republikanët e Dhomës së Përfaqësuesve pretendojnë se presidenti dhe familja e tij përfituan në rrugë të padrejtë nga veprimet politike të zotit Biden kur ai ishte në postin e nënpresidentit gjatë periudhës 2009-2017. Shtëpia e Bardhë dhe Hunter Biden i kanë hedhur poshtë akuzat.

Deri tani republikanër nuk kanë gjetur prova për shkelje nga presidenti Biden. Një anketë e agjencisë Reuters dhe kompanisë së sondazheve Ipsos, publikuar të mërkurën arrin në përfundimin se 44% e amerikanëve mendojnë se ndjekja penale e Hunter Bidenit është e motivuar politikisht, ndërsa 33% mendojnë të kundërtën.

Nga ana tjetër, 56% e të anketuarve mendon se ai po merr trajtim të favorshëm nga prokurorët./VOA

S.S/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça