Presidenti i Federatës Greke, Pirro Dhima nuk dalë vetë personalisht për t’iu kundërpërgjigjur Elez Gjozës, duke reaguar përmes zëdhënësit të shtypit, Tasho Papakristo për akuzat ndaj Luan Shabanit. “Ekipi përfaqësues i peshëngritjes shqiptare erdhi në Greqi për dy muaj për t’u stërvitur bashkë me përfaqësuesen greke.
Shpenzimet për qëndrimin në Greqi, shqiptarët i mbuluan vetë. Se çfarë thonë tani është çështje e tyre, por nëse kanë dokumente që implikojnë Greqinë apo Luan Shabanin le t'i paraqesin” deklaron zëdhënësi i presidentit të Federatës Greke të Peshëngritjes.
Kujtojmë që Presidenti i FSHP, Gjoza u shpreh se përgjegjës për dopingun te 3 sportistët shqiptarë është Luan Shabani, pasi ai i stërviti. Tre kampionët, 2 të botës Godelli, Begaj dhe Pulaku i të rinjve të Europës janë penalizuar për përdorim të substancave të ndaluara.
d.b/shqiptarja.com