POP 5

Lajmet më të lexuara të 5 minutave të fundit

Kronikë

Akuzat për shitblerje votash/ SPAK kërkesë KQZ e KAS: Na vini në dispozicion provat e administruara gjatë procesit të ankimimeve për rezultatin e zgjedhjeve në Durrës

Në kërkesën e SPAK drejtuar KAS dhe KQZ, kërkohen të gjitha provat e administrua gjatë procesit të shqyrtimit të ankimeve në lidhje me rezultatin në qarkun e Durrësit.

Akuzat për shitblerje votash/ SPAK kërkesë KQZ e KAS: Na vini në dispozicion provat e administruara gjatë procesit të ankimimeve për rezultatin e zgjedhjeve në Durrës

SPAK i ka dërguar sot një kërkesë KQZ-së dhe KAS-it, lidhur me akuzat për blerje votash në zgjedhjet e 25 prillit në Qarkun e Durrësit. Prokuroria e Posaçme ka kërkuar nga KAS dhe KQZ të gjitha provat e administrua gjatë procesit të shqyrtimit të ankimeve në lidhje me rezultatin në qarkun e Durrësit.

Sipas SPAK, subjektet politike këto ditë kanë depozituar prova pranë KQZ apo KAS që mund të hedhin dritë mbi veprat penale të kryera gjatë zgjedhjeve në Durrës.

Ditën e sotme KAS përfundoi rinumërimin e votave për partitë për 108 kuti në qarkun e Durrësit, pas pranimit të kërkesës së LSI, nga ku kjo parti s'ka rikuperuar asnjë votë nga 136 që kërkonte për të marrë mandatin.

Përfaqësuesi i PD në KAS, Marash Logu e konsideroi politik vendimin, duke thënë se kishin dorëzuar në një sërë provash që faktonin sipas tij manipulimin e procesit zgjedhor.

“Kemi kërkuar të merrnin 19 prova që do zbardhnin masakrën. Skemi pse tregohemi hipokritë sepse e dimë që në kutinë e votimit nuk ka fletë votimi ku thuhet është e blerë e marrë nga një leje legalizmi, ndërtimi, bonusi për tërmetin, votë e marrë nga kërcënimi apo intimidimi. Ne e kosiderojmë atë që po ndodh në këtë komision, për Durrësin si masakra zgjedhore, pjesa 2. Tabela që na keni vënë në dispozicion nuk thotë asgjë, nuk zgjedhin zbardhjn e asaj masakre zgjedhore që kemi kërkuar me forcë të zbardhej. Ju keni refuzuar 38 herë të zbardhni masakrën të ndodhur në Durrës”, tha Logu pas vendimit të KAS.

Ndërkohë, ditën e djeshme KAS i rrëzoi PD dhe LSI kërkesën për pavlefshmëri të zgjedhjeve dhe rivotim në të gjithë qarkun dhe po ashtu edhe kërkesën për marrjen e provave shtesë për këtë qark. 

/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarin?

Lajme të tjera



×

Lajmi i fundit

Alarmoi RENEA-n, ja çfarë u gjet në apartamentin e katit të 8-të tek Astiri

Alarmoi RENEA-n, ja çfarë u gjet në apartamentin e katit të 8-të tek Astiri

10 Janar, 14:39