U shpall fajtor për fshehje pasurie, Ish anëtari i Kolegjit të Posaçëm të Apelimit, Ardian Hajdari dënohet me 1 vit burg! Dënimi i konvertohet në 2 vite shërbim prove

Ish-anëtari i Kolegjit të Posaçëm të Apelimit Ardjan Hajdari u shpall fajtor për fshehje e pasurisë pasi nuk ka bërë deklarime të sakta në lidhje me disa vite punë si avokat. Gjykata e Posaçme e dënoi sot  (24 janar 2024)  me 1 vit burg, por dënimi u pezullua dhe iu konvertua në 2 vite shërbim prove.

Ish-anëtari i shkallës së dytë të vetingut u vu nën akuzë nga SPAK në janar të vitit 2022, për “Fshehje të të ardhurave” si dhe “mosdeklarim apo fshehje të pasurisë”. Në muajin shkurt të vitit 2022 u pezullua nga detyra.

Hajdari u akuzua nga SPAK për fshehje të të ardhurave tatimore dhe mos deklarim pasurie në ILKDPI gjatë ushtrimit të detyrës së avokatit dhe u kallëzua penalisht në qershor 2020 nga ish-magjistratët Antoneta Sevdari, Elsion Sadiku dhe Ervin Metalla.

Në nëntor të vitit 2022, GJKKO pranoi kërkesën e Ardian Hajdarit për të pyetur 67 persona në cilësinë e dëshmitarëve, për të cilët Hajdari pretendonte se u kishte ofruar ndihmë juridike falas. Ndaj këtij pretendimi të Hajdarit, SPAK mbajti qëndrimin se ish-gjyqtari e ka bërë një gjë të tillë pasi ishte marrë i pandehur në 4 korrik 2022.

E denoncuan tre ish magjistratë të shkarkuar në qershor 2020

Ish -prokurorja e Prokurorisë së Tiranës Antoneta Sevdari, ish-prokurori i Korçës Elsion Sadiku dhe ish-gjyqtari i Apelit Tiranë, Ervin Metalla, të cilët u shkarkuan nga detyra gjatë procesit të rivlerësimit kallëzuan në Strukturën e Posaçme Anntikorrupsion jo vetëm Luan Dacin por edhe Ardian Hajdarin për falsifikim dokumentesh me qëllim që të zgjidhej në Komisionet e Rivlerësimit.

Denoncuesit pretenduan se Hajdari kishte gënjyer dhe kishte deklaruar të dhëna të pavërteta në Kuvend kur kishte thënë se kishte ushtruar profesionin e avokatit për 17 vite, në një kohë kur ai nuk mund të punonte jurist në administratë dhe njëkohësisht të ushtronte profesionin e avokatit.

1706098813_ardjanhajdari.jpg

Foto: Ardian Hajdari duke dalë nga GJKKO pasi u dha dënimi, 25 janar 2024

Denoncuesit e kallëzuan dhe për “fshehjen e të ardhurave”, pasi ai ishte regjistruar për herë të parë në organet tatimore për të ushtruar profesionin e avokatit, në prill të 2007-ës.

Sipas denoncuesve, Hajdari nuk kishte deklaruar fare të ardhura gjatë vitit 2017, ndërkohë që gjatë intervistimit në Kuvend, në cilësinë e avokatit, kishte thënë se kishte përfaqësuar dhe mbrojtur një numër shumë të lartë çështjesh gjyqësore.

Dy anëtarë të KPA të dënuar

Ardian Hajdari bëhet anëtari i dytë i KPA-së që dënohet, pas Luan Dacit, i cili në dhjetor të vitit 2021 u shkarkua nga Kolegji, pas një vendimi të formës së prerë të Gjykatës së Apelit, që e dënoi atë për falsifikim të dokumentacionit.

Kolegji i Posaçëm të Apelimit është trupa, e cila jep vendimet përfundimtare për magjistratët, që i nënshtrohen procesit të rivlerësimit dhe për nga hierarkia e institucioneve të Drejtësisë është në nivelin e Gjykatës Kushtetuese.

B.V/S.G/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Jeni dakord që në Shqipëri të ndalohet përdorimi i euros për pagesa?



×

Lajmi i fundit

Zyrtare/ Armando Sadiku ndryshon skuadrën e 15-të në karrierë

Zyrtare/ Armando Sadiku ndryshon skuadrën e 15-të në karrierë