Ditën e sotme është mbajtur seanca gjyqësore në Uashington për ish-zyrtarin e FBI-së Charles McGonigal. Korrespondenti i Report Tv në SHBA, Denion Ndrenika raporton se McGonigal u deklarua i pafajshëm, lidhur me akuzat se ka marrë para nga një ish-punonjës i shërbimeve inteligjente shqiptare, Agron Neza.
McGonigal u deklarua i pafajshëm edhe për mos-raportimin e kontakteve dhe lidhjeve dhe zyrtarë të shteteve të tjera. Seanca zgjati rreth 15 minuta dhe i pandehuri McGonigal do të gjykohet në gjendje të lirë.
Amerikani McGonigal që u arrestua dy ditë më parë në SHBA përballet me dy akuza në Shtetet e Bashkuara të Amerikës, një në Nju Jork dhe një në Uashington D.C., ku në rastin e parë akuzohet se ka ndihmuar Oleg Deripaska, një oligark rus nën sanksione, me qëllim që të hiqet nga lista e biznesmenëve të sanksionuar nga qeveria e Shteteve të Bashkuara. Akuzat tjetër lidhet me 2 shqiptarë.
McGonigal, agjent amerikan dhe zyrtar i Lartë i FBI, dyshohet se merrte ryshfet nga Agron Neza, shqiptaro-amerikan dhe dyshohet ish agjent shqiptar i inteligjencës, për të ndikuar që një koncesion i majmë i hidrokarbureve t’i jepej një kompanie të administruar nga Shefqet Dizdari, i cili më pas bëhet edhe ortak biznesi me personazhet e mësipërm. Problemi ishte se përfituesi fundor i koncesionit ishte Gazprom, gjigandi i shtetit rus, lidhjen me të cilin amerikanët nuk mund t’ia falin një zyrtari të lartë të tyrin, siç ishte Charles McGonigal.
Korrespondenti i Report Tv në SHBA, Denion Ndrenika ka dhënë detaje nga seanca e mbajtur ditën e sotme në Uashington për ish-zyrtarin e FBI-së, Charles McGonigal, i cili akuzohet se ka marrë 225 mijë euro nga Agron Neza që të lobonte për një koncesion nafte. Korrespondenti i Report Tv thotë se seanca zgjati vetëm 15 minuta dhe McGonigal u deklaruar i pafajshëm për akuzat se ka marrë para.
“McGonigal u deklarua i pafajshëm për akuzat e ngritura për marrjen e parave nga një ish punonjës i shërbimit sekret në Shqipëri. Seanca nuk zgjati më shumë se 15 min. McGonigal u deklarua i pafajshëm për akuzat për marrje e parave nga një punonjës që ka qenë i lidhur me shërbimin sekret në Shqipëri. Ndrenika raporton se McGonigal do të hetohet në gjendje të lirë.
Janë dy çështje të ndara. Njëra në Nju Jork, dhe sot në Uashington që u lirua, për të vazhduar hetimin në gjendje të lirë. Çështja e sotme lidhet me paratë shqiptare. Ka qenë i shkurtër deklarimi për pafajësi dhe do ndiqet në gjendje të lirë”, tha Ndrenika.
Komente
Lajme të tjera
-
A do të ndalohet TikTok në SHBA? Trump: Ndoshta duhet ta mbajmë edhe pak kohë
23 Dhjetor, 10:01 -
Tronditet Nju Jorku, burri djeg një grua në metro, ndërron jetë! Policia në kërkim të autorit
22 Dhjetor, 22:25 -
Kina thotë se SHBA-ja po 'luan me zjarrin', për shkak të mbështetjes së Tajvanit
22 Dhjetor, 15:15 -
Trump emëron të dërguarin e posaçëm në Mbretërinë e Bashkuar
22 Dhjetor, 09:28 -
Ilir Yzeiri: Teksti i Edi Ramës dhe fshati i madh shqiptar
21 Dhjetor, 19:45
-
Biden nënshkruan ligjin për financimin e qeverisë, shmanget mbyllja e pjesshme e saj
21 Dhjetor, 19:23 -
Bazë e re ushtarake e SHBA-së në Poloni! Sistemi i ri për mbrojtjen nga raketat përforcon krahun lindor të NATO-s
21 Dhjetor, 18:42 -
Trump do t’u kërkojë vendeve të NATO-s të rrisin shpenzimet për mbrojtjen në 5% të PBB-së
21 Dhjetor, 16:55 -
Spahiu: Të gjitha partitë opozitare në Kosovë janë afruar më shumë me Shqipërinë sesa Vetëvendosja!
21 Dhjetor, 16:44 -
Dy senatorë amerikanë propozojnë sanksione ndaj Turqisë lidhur me veprimet në Siri
21 Dhjetor, 15:36 -
Takimi i dy Kuvendeve/ Spahiu për Report TV: Kurti premtoi bashkim kombëtar, por për 4 vjet shpiku idenë e kombit kosovar! Të hiqen kufijtë Shqipëri-Kosovë
21 Dhjetor, 15:36 -
Dëmtimi i Ambasadës së Shqipërisë në Ukrainë, SHBA dënon sulmin me raketa të Rusisë
21 Dhjetor, 09:40
Vetem per 225mij dollar gjithe ky pluhur. Po ta dine ata matane atlantikut qe tek ne i ka cdo pastrues i zyrtareve neper xhepa shuma te tilla do e kishin denuar si hajdut te paafte. Po te isha une gjyqtari do e kisha denuar me pune sociale ne administraten shqiptare ne menyre qe te mesoje sic duhet profesionin e hajdutit.
Përgjigju