Romela Begaj shkruajti historinë dhe u bë femra e parë shqiptare që fiton të artë për peshëngritjen shqiptare në Botëror, dhe filloi të qante kur realizoi arritjen e saj. Duke jetuar në shtëpi me qira, pa të ardhura për të plotësuar stërvitjen dhe ushqimin e saj, 28-vjeçarja fitoi një nga trofetë më të rëndësishëm për vendin e saj. Kështu nis reportazhi i medias arabe Al Jazeera, në versionin e saj anglisht.
 
Më tej Al Jazeera ndalet te kushtet dhe sfidat e vështira me të cilat është përballur Romela Begaj duke nisur nga palestra ku ajo stërvitej, e cila ishte vetëm 40 metra katror, apo për dëmtimin në gju, për të cilin u detyrua të shkojë në Greqi për kurim dhe nuk do ia kushte dalë nga ana financiare pa mbështetjen e familjarëve dhe miqve.