Alarm për bombë, Hungaria
kontrollon linjat hekurudhore

Një alarm për bombë ka bërë që autoritetet hungareze të kontrollojnë të gjithë trenat ndërkombëtarë që qarkullojnë në Hungari.

“Të gjithë trenat ndërkombëtarë që qarkullojnë në territorin e Hungarisë janë kontrolluar nga policia”, ka deklaruar një zëdhënës i kompanisë publike të transportit hekurudhor “MAV”.

Kontrollet e linjave ndërkombëtare kanë shkaktuar ndërprerje të mëdha në rrjetin hekurudhor, prej të cilave janë prekur 20 mijë udhëtarë.

Policia hungareze ka bërë të ditur se kontrollet e linjave ndërkombëtare të trenave ka ardhur si pasojë e një telefonate anonime, që njoftonte për një bombë të vendosur në një nga linjat ndërkombëtare.

Nga autoritetet hungareze ka filluar një hetim për identifikimin e personit i cili ka bërë telefonatën.

Redaksia Online
D.T/Shqiptarja.com