Alarm për bombe në një qendër
tregtare në Bruksel, kapet 'kamikazi'

Sërish në alert autoritetet belge.Një person është arrestuar në Bruksel, pas  një telefonate se në një qendër komerciale  do të shpërthejë një bombë . Mediat belge të cilat citojnë burime policore thonë  se i dyshuari  mbante nje brez te mbushur me krip e cila në fillim  u mendua se ishte eksploziv. Sipas autoriteteve personi  mund të jetë me çrregullime mendore .

Menjëherë pas kësaj ngjarjeje kryeministri Charles Michel ka thirrur me urgjencë komisionin e  e emergjencave duke e konsideruar situatën shumë të rëndë.
 
E gjithë zona pranë qendrës komerciale u evakua dhe u izolua .

Situata në Belgjikë vijon  të jetë e tensionuar dhe është rikthyer sërish niveli 3 i sigurisë. Masat e sigurisë janë rivendosur vetëm 3 muaj pas shpërthimeve në aeroportin Zaventem dhe në metron e qytetit. Pak ditë më parë u arrestuan 12 persona si të dyshuar se po përgatisnin një sulm terrorist në ndeshjen Belgjikë-Irlandë.

Redaksia online
(e.m/Shqiptarja.com)