POP 5

Lajmet më të lexuara të 5 minutave të fundit

Arkiva

Alarmi i BSH: Po
largohen investimet

Bilancet e ekonomisë shqiptare me botën kanë ardhur në përkeqësim. Banka e Shqipërisë dhe INSTAT-i, në dy dokumenta të ndryshme, flasin për rënien e investimeve të huaja direkte, rritjen e fluksit dalës të parasë nga Shqipëria dhe frenimin e eksportit.
Vitin e kaluar, gjatë tremujorit të tretë, është vënë re një rritje në masën 50.5 për qind e parasë që është transferuar jashtë vendit. Këtë konstatim e bën Banka e Shqipërisë në analizën e saj të zhvillimeve në sektorin e jashtëm të ekonomisë për tremujorin e tretë të vitit të kaluar, të publikuar dje. Sipas këtij raporti, “në tremujorin e analizuar vihet re një rritje e fluksit të investimeve dalëse të portofolit, me rreth 57.1 milionë euro drejt ekonomive të huaja. Në pjesën më të madhe, rezidentët kanë zgjedhur të investojnë në tituj borxhi. Në terma kumulativë, nëntë muajt e parë të vitit shënuan rritje të investimeve të portofolit të rezidentëve në ekonomitë e huaja me rreth 50.5% në terma vjetorë”.

Ky fenomen nuk ndodh për herë të parë, por përmasat e tij po bëhen shqetësuese, në një kohë kur po ulen paratë që hyjnë në vend. Gjithnjë sipas BSH, duke përjashtuar të ardhurat nga privatizimet, flukset hyrëse të investimeve të huaja direkte rezultuan rreth 31.2% më të ulëta në terma vjetorë. Investimet e huaja direkte neto (hyrëse–dalëse) në tremujorin e tretë të vitit 2011, rezultuan 166.4 milionë euro ose rreth 32.8% më të ulëta krahasuar me të njëjtën periudhë të një viti më parë, theksohet në raport. Si nëntëmujor, totali i investimeve nga jashtë ishte 25.6% më i ulët se në të njejtën përiudhë të vitit 2010.

Transfertat prej emigrantëve prirjen rënëse vjetore për të katërtin tremujor me radhë. Në tremujorin në fjalë, flukset hyrëse të dërgesave të emigrantëve shënuan rënie me rreth 2.0% në terma vjetorë. Ndërkohë, deficiti i llogarisë korente vijoi të zgjerohet për të dytin tremujor radhazi. Gjatë këtij tremujori deficiti i kësaj llogarie shënoi rritje me rreth 13.1% në terma vjetorë. Për pasojë, ky deficit u vlerësua në 11.4% ndaj prodhimit të brendshëm bruto ose rreth 1.2 pikë përqindjeje më i lartë, krahasuar me nivelin e tremujorit të tretë të vitit 2010.

Ndërkohë, sipas INSTAT, në muajin janar të këtij viti ka patur një tendencë rënëse të eksporteve dhe rritje të deficitit tregtar. U eksportuan 13.5 miliardë lekë mallra, me ulje 18.8 për qind në krahasim me dhjetorin 2011 dhe ulje me 9 për qind në krahasim me janarin 2011. Në të njëjtin muaj, u importuan 35 miliardë lekë mallra, me ulje 33 për qind në krahasim me dhjetorin 2011 dhe rritje 3.7 për qind në krahasim me janarin 2011. Si rezultat, deficiti tregtar i këtij muaji rezulton me rritje 13.6 për qind krahasuar me janarin e një viti më parë.

/Shqiptarja.com
  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

Marrëdhëniet Greqi -Shqipëri, avokati Islami: Kanë bërë masakra në vendin tonë, Beleri në PE ishte goditje për ne! Sekretari i OMONIA-s: Jemi urë komunikimi mes vendeve

Marrëdhëniet Greqi -Shqipëri, avokati Islami: Kanë bërë masakra në vendin tonë, Beleri në PE ishte goditje për ne! Sekretari i OMONIA-s: Jemi urë komunikimi mes vendeve

15 Janar, 19:31