POP 5

Lajmet më të lexuara të 5 minutave të fundit

Kosova & Rajoni

Albin Kurti kërkon hapjen e arkivave serbe: Strategjia e Millosheviç se ‘nuk ka kufomë dhe s’ka krim’ po vazhdohet edhe sot

Kryeministri i Kosovës, Albin Kurti në Ditën Ndërkombëtare të Personave të Zhdukur ku po mori pjesë në tryezën e dedikuar personave të zhdukur me dhunë gjatë luftës në Kosovë tha se ka kërkuar hapjen e arkivave të Serbisë për krimet e kryera në Kosovë, e sipas tij për këtë duhet edhe ndihma e ndërkombëtarëve

Kryeministri i Kosovës, Albin Kurti në Ditën Ndërkombëtare të Personave të Zhdukur ku po mori pjesë në tryezën e dedikuar personave të zhdukur me dhunë gjatë luftës në Kosovë tha se ka kërkuar hapjen e arkivave të Serbisë për krimet e kryera në Kosovë, e sipas tij për këtë duhet edhe ndihma e ndërkombëtarëve.

‘‘Nuk ka kufomë, nuk ka krim’, ishte strategjia e Serbisë për fshehjen e krimeve mbi shqiptarët”, tha kryeministri Kurti.

Sipas tij, kjo strategji po vazhdon edhe sot, ndërsa përmendi se kanë dërguar edhe disa kërkesa zyrtare për hapjen e arkivës së Brigadës 37, pasi siç tha ai ajo është përgjegjëse për disa masakra në Kosovë, sidomos në rajonin e Drenicës.

“‘Nuk ka kufomë, nuk ka krim’, ishte strategjia e shtetit të Serbisë për fshehjen e krimeve të kryera mbi shqiptarët në Kosovë. Kjo strategji vazhdon të zbatohet edhe sot nga trashëgimtarë politikë të Millosheviçit në Beograd. Këtë javë pas shumë përpjekjeve kanë filluar përgatitjet për gërmime në Serbi, në Kozhle. Deri më tani shteti serb nuk ka ndarë të dhënat nga arkivat e tyre për këtë lokacion. Andaj ne edhe sot e përsërisim kërkesën tonë, për hapjen e arkivave në Serbi, në bazë të marrëveshjes së arritur më 2 maj 2023. Tashmë kemi dërguar disa kërkesa zyrtare për hapjen e arkivës së Brigadës 37 të motorizuar të ushtrisë jugosllave, përgjegjëse për shumë masakra në Kosovë, sidomos në rajonin e Drenicës”, tha kreu i Qeverisë së Kosovës.

Kurti theksoi se Qeveria është e përkushtuar për të kërkuar drejtësi për viktimat.

“Si Qeveri ritheksojmë zotimin për të mos rreshtur së kërkuari drejtësi për viktimat, për 1595 personat e zhdukur me dhunë gjatë luftës së fundit. Kriminelët serb të luftës duhet të përballen me drejtësi, sepse këto krime sikur që nuk vjetërohen, as nuk falen”, tha Kurti.

M.Q./E.B/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça