Deputetja e Partisë Demokratike, Albina Deda ka reaguar pas publikimit të lajmit se ajo bashkë me familjen janë ndaluar nga Policia Rrugore me argumentimin se përbënin rrezik për eskortën e Ilir Metës.
 
Deda në një postim në Facebook i kërkon kreut të Kuvendit që të prononcohet mbi këtë ngjarje dhe i kërkon që të merren masa për këtë sjellje të policisë.
 
Albina Deda në Facebook:
I kërkoj kryetarit te kuvendit
z. Meta te prononcohet nese une sot me familjen i kam sjell ndonje shqetesim eskortes se tij, pasi kam qene pas tij mbi 20 metra me makinen personale me tabele te kuvendit,
dhe policia me ka ndaluar me motivin që ”qenka kërcënuar” kryetari..!
 
Pasi postblloku i policisë me ndaloj pa asnjë arsye, ne kryqëzimin e Shëngjinit,
duke deklaruar se kam urdhër, me merr ne tel e policit qe me ndaloj, shefi qarkullimit qe ishte me eskorten dhe me tha nuk mund te ecesh pas eskortes (kur dhjetra makina po kalonin pas tyre).
 
Faktikisht nuk e dija qe ishte z. Meta pasi mund ta kishim përshëndetur si kryetar te kuvendit ku une bej pjese, dhe si deputete e Qarkut ku ai ishte duke ardhur per vizite.
 
Dua ti them z. Meta se ne e kemi tradite familjare por dhe si Mirditas qe ne shpine tone nuk e “tranojme” apo “kercenojme” mysafirin edhe nëse nuk e “kemi shume mik”. I kerkoj te nderhyj qe te merren masa menjëherë ndaj policeve te përfshirë dhe shefit te qarkullimit qe “te do shume”!

Redaksia Online
Shqiptarja.com