Burime zyrtare të AKBN-së (Agjencia Kombëtare e Burimeve Natyrore) thanë se po bëhet kalimi i rreth 200 puseve të naftës dhe aseteve të tyre në Visokë nga kompania publike "Albpetrol", tek "Transoil group". Në vitin e parë të punës parashikon investimin deri në 20 milionë dollarë dhe nxjerrjen e 954.493 fuçive naftë, ndërsa ka paraqitur në AKBN edhe një plan afatgjatë.
"Transoil group" është pasuese e "IEC Visoka" dhe kryen operacione në fushën e hidrokarbureve për vlerësimin dhe prodhimin e naftës bruto në Visokë, një vendburim 13 km larg Fierit e hapur në vitin 1963 për nxjerrje nafte. Kompania ka aktivitet në Bjellorusi dhe Rusi, ndërkohë që në vendin tonë përfaqësohet nga avokati Shefqet Dizdari.
![](https://www.shqiptarja.com/template/img/sh_logo1.png)