POP 5

Lajmet më të lexuara të 5 minutave të fundit

Arkiva

Albpetrol, si do të trajtohen punonjësit e kompanisë nga ana financiare

Punonjësit që do të humbasin vendet e punës për shkak të privatizimit të kompanisë shtetërore të naftës Albpetrol do të përfitojnë për një periudhë njëvjeçare pagën e plotë. Sipas Vendimit të Këshillit të Ministrave të datës 1 shkurt, është përcaktuar se trajtimin financiar mund ta përfitojnë vetëm ata punonjës, që janë aktualisht të punësuar në kompaninë Albpetrol dhe që kanë së paku dy vite që janë pjesë e strukturës së saj. Periudha, gjatë së cilës këta punonjës do të marrin pagesën e përcaktuar, njihet si periudhë, gjatë së cilës paguhen kontributet për sigurim për efekt të përfitimit të pensionit të pleqërisë, të invaliditetit e atij familjar dhe të barrëlindjes. Pas përfundimit të trajtimit financiar për një vit, punonjësit që mbeten të papunë, mund të aplikojnë për të përfituar asistencë ekonomike për shkak të papunësisë. Fondet për këtë trajtim financiar do të mbulohen nga të ardhurat e shoqërisë Albpetrol, përpara përfundimit të procesit të privatizimit. Pas përfundimit të procesit të privatizimit, këto fonde do të mbulohen nga të ardhurat e privatizimit. Nga nëntori 2005 deri më korrik 2010 janë shtuar në Albpetrol 1.522 punonjës, po aq sa janë edhe larguar prej andej. Ndërsa aktualisht Albpetroli ka në bordero 3.173 punonjës, ndërkohë që duhej të kishte 1.651, pra paguan afro dyfishin e numrit të caktuar nga qeveria. Vendimet e para të qeverisë për shkurtime, pas vitit 2005, kanë qenë ato të viteve 2008 dhe 2010, me shkurtime përkatësisht 1.100 dhe 1.294 punonjës.

  • Sondazhi i ditës:

    Mendoni se arrihet objektivi i qeverisë për pagë mesatare 900 euro?

Lajme të tjera



×

Lajmi i fundit

Barcelona largohet nga 'Camp Nou', kush është stadiumi i ri i katalanasve

31 Mars, 14:34