SHBA - Pas 455 ditësh, Jannik Sinner nuk është më 'mbreti' i tenisit botëror. Italiani humbi finalen e US Open në New York kundër rivalit dhe mikut të tij spanjoll, Carlos Alcaraz. Ky i fundit fitoi 3-1 me sete (2-6, 6-3, 1-6, 4-6) duke u ngjitur në vendin e parë të renditjes botërore. Alcaraz bëhet tenisti i tretë në histori që ia ka dalë të fitojë më shumë se tre Grand Slame të ndryshme para moshës 23-vjeçare, teksa i bashkohet John McEnros dhe Pete Sampras.

Alcaraz e filloi ndeshjen me agresivitet dhe e fitoi setin e parë 6-2, duke bërë që tifozët të dashuroheshin pas lojës së tij. Mirëpo në setin e dytë italiani Sinner, fituesi i Wimbledon kundër Alcaraz, vendosi ekuilibrat duke fituar 3-6. Seti i tretë ishte tërësisht për spanjollin që e mbylli 6-1, para se në atë final të fitonte 6-4 për t'u kurorëzuar kampion dhe për t'i marrë vendin e parë Sinnerit në renditjen e përgjithshme botërore.

Në tre përballjet e tyre të fundit finale, Sinner ia doli të siguronte për herë të parë trofeun e Wimbledon, ndërsa Alcaraz u "hakmorr" duke fituar në Cincinnati, kjo pas tërheqjes së Sinner gjatë lojës për shkak dëmtimi. Tanimë Alcaraz shijon suksesin e plotë kundër mikut të tij Sinner, duke hapur një epokë mes të dyve në nivelin më të lartë të tenisit botëror.

Presidenti i SHBA ndjek finalen në stadium

Donald Trump, presidenti i SHBA ndoqi nga pranë finalen mes Alcaraz dhe Sinner. Për shkak të sigurisë, dueli filloi me afro 30 minuta vonesë. Bashkë me Trump ishin edhe shefja e stafit të tij, Susie Wiles, Prokurorja e Përgjithshme Pam Bondi, Sekretari i Thesarit Scott Bessent, sekretarja e shtypit Karoline Leavitt, i dërguari special Steve Witkoff, dhëndri i tij Jared Kushner dhe mbesa Arabella Kushner. Kjo ishte vizita e parë e Trump në turne që nga viti 2015.

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 3 Dhjetor, 08:56

    Çfarë mendoni për lëvizjen e Salianjit brenda PD?

Lajme të tjera