Aleanca Kuq e Zi
denoncon policinë maqedonase

Aleanca Kuqezi reagoi të shtunën kundër policisë maqedonase, e cila në pikën e kalimit kufitar të Qafë Thanës ndaloi një aktiviste të kësaj organizate.

Drejtori ekzekutiv i “Aleancës Kuq e Zi” Redi Ramaj deklaroi sot se në një kohë kur midis shteteve të Evropës Juglindore nevojitet me shume se kurrë fryma e harmonisë dhe bashkëjetesës paqësore.

“Në vijim të aksionit brutal dhe aspak të tolerueshme drejtuar aktivisteve të Aleancës KuqeZi pikërisht në ditën e Flamurit; ku katër nga aktivistet e saj u arrestuan teksa po vendosnin flamuj kuqezi ne qytetin e Tetovës, Aleanca Kuqezi denoncon një tjetër rast flagrant dhe të papranueshëm. Në datën 7 Dhjetor 2011 në pikën kufitare mes Shqipërisë dhe Maqedonisë të Qafethanës shtetasja Rumune me origjine Shqiptare Mona Agrigoroaiei është mbajtur e izoluar dhe marre në pyetje për më shume se 5 orë rresht nga oficerë civilë të shërbimeve maqedonase të sigurisë”, tha Rama.