Steve Bannon - aleati i kamotshëm me ndikim ish-presidentit amerikan, Donald Trump - u dorëzua të hënën te autoritetet e burgut për ta filluar vuajtjen e një dënimi me katër muaj burgim për shpërfillje të Kongresit amerikan.
Bannon ishte shpallur fajtor për mospërfilljen e ftesës së komisionit hetues të Kongresit amerikan, që po hetonte sulmin e 6 janarit 2020 në Kapitol.
Bannon mbërriti në burgun federal të sigurisë së ulët në Danburi, Konektikut, të hënën pasdite.
Duke folur për gazetarë pasi mbërriti për ta vuajtur dënimin, Bannon tha se është “i burgosur politik”.
“Jam krenar që sot po shkoj në burg. Jo vetëm që nuk kam pendesa, por jam krenar për atë që kam bërë”, tha Bannon.
Ish-presidenti Donald Trump është kandidati republikan që sfidon presidentin demokrat Joe Biden në zgjedhjet e 5 nëntorit në SHBA.
Ky dënim mund ta mbajë Banonin në burg gati deri në ditën e zgjedhjeve. Të burgosurit në burgjet federale nuk kanë qasje në internet apo rrjete sociale, që gjë do ta bënte të vështirë për Bannonin të komunikojë me mbështetësit e vet të podkast “War Room”.
Të premten, Bannon e humbi përpjekjen e çastit të fundit për t’i shpëtuar burgut, kur Gjykata Supreme e hodhi poshtë kërkesën e tij për ta shtyrë dënimin derisa ai ta shterojë procesin e apelit kundër dënimit ndaj tij.
Ai u dënua me katër muaj burgim pasi u shpall fajtor në vitin 2022 për dy akuza për shpërfillje të Kongresit.
Ndaj tij u ngrit aktakuzë pasi nuk kishte pranuar t’i dorëzonte dokumentet, apo të dëshmonte në komisionin hetues të Dhomës së Përfaqësuesve, i cili udhëhiqej nga demokratët, për trazirat në Kapitol nga mbështetësit e Trumpit, i cili kishte synuar ta parandalonte certifikimin e fitores së Bidenit në zgjedhjet e vitit 2020.
Bannon ishte këshilltar i rëndësishëm i Trumpit në fushatën për zgjedhjet e vitit 2016, pastaj shërbeu si strateg i Trumpit në Shtëpinë e Bardhë gjatë vitit 2017.
Bannon nuk është ish-zyrtari i parë i lartë nga Shtëpia e Bardhë gjatë kohës së Trumpit që shkon në burg për mosbashkëpunim me komisionin. Peter Navarro, ish-këshilltar i Trumpit për tregtinë, është dënuar për shpërfilljen e Kongresit gjithashtu.
Navarro u dorëzua në burg në mars, pasi ishte dënuar me katër muaj burgim./ REL
Lajme të tjera
-
Ministri Vengu takime me zyrtarë të lartë në SHBA: Shqipëria e angazhuar për forcimin e bashkëpunimit në mbrojtje dhe sigurinë globale
23 Nëntor, 19:32 -
Specialistja e Departamentit amerikan të Tregtisë: SHBA të interesuara të thellojnë bashkëpunimin me Kosovën për energjinë e pastër
23 Nëntor, 19:13 -
Kryediplomati i ardhshëm amerikan, Marco Rubio dhe politika e jashtme
23 Nëntor, 18:05 -
Alban Daci: Lufta III Botërore?
23 Nëntor, 15:23
-
Shefi i NATO-s takohet me Trumpin në Florida
23 Nëntor, 12:35 -
Presidentja e Parlamentit të BE-së: Gjermania duhet t’i dërgojë Ukrainës raketa Taurus
23 Nëntor, 10:27 -
Reuters: Trump mund të emërojë Richard Grenell të dërguar të posaçëm për konfliktin mes Rusisë dhe Ukrainës
23 Nëntor, 10:20 -
‘Shikoni si bërtasin, para se të vdesin’, kush është Erald Alimehmeti, shqiptari i arrestuar në SHBA si përkrahës i ‘ISIS’
23 Nëntor, 10:01 -
Diplomati amerikan: Dialogu Kosovë-Serbi nuk do të jetë prioritet për administratën e Trumpit
23 Nëntor, 08:50 -
Donald Trump zgjedh një drejtues homoseksual për Sekretar të Thesarit! Kush është Scott Bessent, punoi për fondacionin e Soros
23 Nëntor, 08:20 -
EMRI/ Akuzohet për mbështetje të Shtetit Islamik, arrestohet shqiptari në New York! Edhe i vëllai i dënuar me 22 vite burg për terrorizëm në SHBA
23 Nëntor, 08:13 -
Drejtori ekzekutiv i Komandës Kibernetike të Amerikës: Hakerët kinezë po përgatiten për konflikt me Shtetet e Bashkuara
23 Nëntor, 08:03
