Alibeaj i përgjigjet Bardhit: Komisioni i reformës zgjedhore nuk është vendi ku bëhet show politik

Sekretar i Përgjithshëm i Partisë Demokratike dhe Bashkëkryetar i Komisionit të Reformës Zgjedhore në Kuvend, Enkelejd Alibeaj, në përgjigje të pretendimeve të Komisionit të “Rithemelimit” shprehet se Komisioni i Reformës Zgjedhore nuk është vendi ku bëhet show politik. Në një postim në Facebook, shton se të gjitha flukset opozitare janë të mirëpërfaqësuara në atë komision dhe se rregullat nuk mund të ndryshojnë sa herë një deputet ndryshon qëndrim.

"Komisioni i reformës zgjedhore nuk është vendi ku bëhet shoë politik, qoftë edhe për të shkuar drejt rrugës së shpresës. Opozitarizmi nuk është çertifikatë që të mund ta shpërndajë dikush. Rregullat e lojës janë ato të caktuara, që kur u nis procesi i reformës. Aty, çdo parti dhe fluks opozitar është i mirëpërfaqësuar, me kërkesë të vetë PDSH. Secili ka të drejtë dhe detyrim të marrë pjesë, të ulet, të punojmë e të bëjmë propozime opozitare bashkë. Ashtu siç PD ka bërë deri më tani, për të mbrojtur interesat e qytetarëve shqiptarë dhe zgjedhjet e ndershme: me lista të hapura, Shqipëria 1 zonë elektorale, votë për diasporën dhe votim&numërim elektronik. Rregullat nuk ndryshojnë sa herë që ndonjë deputet ndryshon qendrim. PD është e vendosur për reformë zgjedhore për shqiptarët", shkruan Alibeaj.

LEXO EDHE:
PD i përgjigjet sulmeve të Metës, risjellë akuzat e tij për Berishën: E kam dhënë njëherë dorëheqjen për Shkëlzenin

Lajmi kryesor:

Të premten komisioni për Reformën Zgjedhore, Bardhi paralajmëron vijimin e kaosit: Mbledhja farsë e atyre që bllokuan

B.K/Shqiptarja.com

TAG:
• enkelejd alibeaj
• lulzim basha
• Lufta brenda PD
• gazment bardhi
• PD
• reforma zgjedhore