POP 5

Lajmet më të lexuara të 5 minutave të fundit

Politikë

Alibeaj: Përkeqësohet situata e
rendit, në 2 ditë bilanc dramatik

Enkelejd Alibeaj, kreu i Departamentit të Rendit e Sigurisë në Partinë Demokratike e konsideron situatën e rendit e sigurisë në vend si shumë shqetësuese, duke e krahasuar atë me një bilanc dramatik.  VIDEO
Alibeaj: Përkeqësohet situata e<br />rendit, në 2 ditë bilanc dramatik
Enkelejd Alibeaj, kreu i Departamentit të Rendit e Sigurisë në Partinë Demokratike e konsideron situatën e rendit e sigurisë në vend si shumë shqetësuese, duke e krahasuar atë me një bilanc dramatik.

Pas ngjarjeve të rënda të ndodhura në dy ditët e para të vitit të ri 2016, ku u shënuan 8 të vdekur  dhe disa të tjerë të plagosur, Partia Demokratike i ka bërë thirrje policisë së shtetit që të marrë menjëherë masat për t’ju dhënë mbrojtjen e duhur viktimave të dhunës në familje, për parandalimin e aksidenteve rrugore dhe rritur forcën parandaluese përmës shërbimeve të informacionit.

Ndërkohë që i ka shprehur ngushëllime të gjtiha familjeve të përfshira në këto ngjarje të rënda.

Ja dhe deklarata e plotë e Enkelejd Alibeaj

“Bilanc dramatikë është shënur në këtë fillim viti në vendin tonë duke dëshmuar dhe njëherë përkeqësimin e rendit dhe sigurisë në vend.

Një krim i dyfishtë në Sarandë u shënua në orët e para të vitit 2016. Shtetësja Lina Uzo u ekzekutua nga bashkëshorti edhe pse ajo kishte një urdhër mbrojtje si pasojë e dhunës që ushtronte bashkëshorti i saj.

Në orët e para të mëngjesit  të datës 1 janar, si pasojë e aksidentit  në aksin rrugor Lushnjë- Berat humbi jetën një 17 vjeçare , po me datë 1 Janar një 18 vjeçar  Rudolf Javxhiu humbi jetën në aksin rrugor Lin –Pogradec, katër të rinj u plagosën dhe fatkeqësisht njeri prej tyre, Ardit Piranej 34 vjeç, humbi jetën në aksin rrugorr Velipojë –Shkoder. Në Tiranë efektivi i policisë, 48 vjeçari Njazi Cera humbi jetën si pasojë e një aksidenti në Sauk.

Një vrasje e dyfishtë shoqëroi këtë fillim viti të përgjakshëm.  Në fshatin Drisht të Postribës, dy vellezer  Abdulla dhe Skënder Shkami janë ekzekutuar me armë zjarri.

Mbrëmë  në aksin kombëtar Lezhë-Shkodër është qëlluar me armë zjerri duke humbur jetën shtetasi Dritan Loreni.

Një bilanc tragjik 8 viktima vetëm në dy ditë tregon një përkeqësim të rendit dhe sigurisë.

Duke shprehur ngushëllime për familjet e viktimave, i bëjmë thirrje drejtuesve të policisë së shtetit të marrin menjëherë masat për t’ju dhënë mbrojtjen e duhur viktimave të dhunës në familje, për parandalimin e aksidenteve rrugore dhe rritur forcën parandaluese përmës shërbimeve të informacionit.

Partia Demokratike inkurajon punonjësit e Policisë të cilët ndonëse ndihen të tradhtuar nga drejtuesi më i larti i tyre, ministri i Brendshëm i skeduar nga të gjithë shërbimet e vendeve partnere si bashkëpunëtor i trafikantëve,  të vazhdojnë me përkushtim punën e tyre në shërbim të qytetarëve, ruajtjes së rendit dhe sigurisë”


Redaksia Online
(F.T/shqiptarja.com)

  • Sondazhi i ditës:

    Kë doni ju që të fitojë zgjedhjet në SHBA?

Lajme të tjera



×

Lajmi i fundit

Pesha e padurueshme e diktaturave! Kur të zhveshurit ishim ne!

Pesha e padurueshme e diktaturave! Kur të zhveshurit ishim ne!

5 Nëntor, 20:12 nga Alba Malltezi