Almeda Abazi histori
dashurie me futbollistin Pato?

Prej disa ditësh qarkullon në mediat turke lajmi i një lidhje mes aktores shqiptare në Turqi, Almeda Abazi dhe futbollistit e skuadrës së Corinthias Alexandre Pato. Spekullimet për një lidhje mes  tyre kanë nisur që në kohët kur Almeda dhe Alexandre janë takuar për herë të parë në itali, ku futbollisti asokohe ishte pjesë e skuadrës së Milanit.



Ndërkohë lajmet kanë vijuar pas publikimit në Instagram të një fotoje nga futbollisti, ku ai shfaqet me një bluze të bardhë me shqiponjën me dykrerë, simbol i Shqipërisë. Padyshim që aktorja bukuroshe nuk ka mbetur pa e komentuar këtë foto, madje duke e ndarë edhe me ndjekësit e saj në Istagram.



(Foto e marrë nga profili në Instagram i aktores Almeda Abazi)

Bashkë me ripublikimin e fotos Abazi ka shkruar, “Të lumtë Pato, tani të dua edhe më shumë,”-duke iu referuar në këtë mënyrë flamurit shqiptar.  Më pas mes çiftit kanë vijuar komentet, të cilat ishin të shoqëruara me simbolika puthjesh dhe përqafimesh. Megjithatë ende nuk ka një konfirmim për mediat. Kujtojmë që futbollisti Pato ka patur një lidhje me vajzën e ish-kryeministrit italian Silvio Berluskoni, Barbara Berluskoni.



Gjithashtu ai ka patur mjaft flirte dhe lidhje të tjera si me Miss Brazilin 2010, Debora Lyra. Sa i përket bukuroshes shqiptare aktualisht jeton në Turqi ku ka vijuar karrierën e saj si aktore në seriale të ndryshme turke, por ka qenë edhe pjesë e emisioneve si “Dancing” apo “Survivor”. Mbetet për tu parë zhvillimi i kësaj historie mes futbollistit dhe aktores shqiptare.



Redaksia Online 
(Xhulia Karavella/shqiptarja.com)