POP 5

Lajmet më të lexuara të 5 minutave të fundit

Bota

Aludimet për stacionin e spiunazhit të Kinës në Kubë, Pentagoni: Jo të vërteta

Pentagoni thotë se njoftimet se Kina dhe Kuba kanë arritur një marrëveshje sekrete që lejon Pekinin të ndërtojë një objekt përgjimi elektronik në ishullin që është 160 kilometra nga Shtetet e Bashkuara, nuk janë "të sakta".

Aludimet për stacionin e spiunazhit të Kinës në Kubë, Pentagoni: Jo të vërteta

Xi Jinping

Pentagoni thotë se njoftimet se Kina dhe Kuba kanë arritur një marrëveshje sekrete që lejon Pekinin të ndërtojë një objekt përgjimi elektronik në ishullin që është 160 kilometra nga Shtetet e Bashkuara, nuk janë "të sakta".

“Mund t'ju them, bazuar në informacionin që kemi, se nuk është i saktë. Ne nuk jemi në dijeni që Kina dhe Kuba po zhvillojnë ndonjë lloj stacioni spiunazhi”, u tha gazetarëve në Pentagon të enjten sekretari i shtypit të Pentagonit, gjenerali i brigadës, Pat Ryder.

Sipas njoftimeve, të cilat u shfaqën për herë të parë në gazetën The Wall Street Journal duke cituar zyrtarë të paidentifikuar të inteligjencës, Kina kishte rënë dakord t'i paguante Kubës së rënuar financiarisht disa miliarda dollarë për objektin e spiunazhit, i cili do t'i lejonte Kinës të mblidhte komunikime elektronike nga e gjithë juglindja e SHBA-së. ku ndodhen baza të shumta ushtarake.

Gjenerali Ryder shtoi se Pentagoni nuk ishte në dijeni të krijimit të ndonjë baze ushtarake nga Kina në Kubë apo gjetkë në rajon.

Megjithatë, ai paralajmëroi se marrëdhënia midis Kubës dhe Kinës është diçka që Pentagoni monitoron vazhdimisht, së bashku me çdo lloj "veprimtarie shtrënguese ose aktiviteti luftarak" nga Kina në hemisferën perëndimore.

Një zyrtar i lartë i Shtëpisë së Bardhë i përshkroi gjithashtu njoftimet e mediave si "jo të sakta".

I pyetur në lidhje me raportin, një zëdhënës i Ambasadës Kineze në Uashington i tha agjencisë Reuters, "Ne nuk jemi në dijeni të rastit dhe si rezultat, ne nuk mund të japim një koment tani".

Një zyrtar i Departamentit të Mbrojtjes i tha Zërit të Amerikës se Shtetet e Bashkuara nuk do të komentojnë drejtpërdrejt mbi njoftimet e një objekti të planifikuar kinez në Kubë.

“Në një nivel më të gjerë, ne jemi shumë të vetëdijshëm për përpjekjet e Kinës për të investuar në infrastrukturë në mbarë botën që mund të kenë qëllime ushtarake, përfshirë në hemisferën perëndimore,” tha zyrtari. “Ne do të vazhdojmë ta monitorojmë nga afër dhe do të mbetemi të sigurt se jemi në gjendje të përmbushim të gjitha angazhimet tona të sigurisë në vend dhe në të gjithë rajonin.”

Shtëpia e Bardhë dhe shumë ligjvënës në Kongres e konsiderojnë Kinën si rivalin kryesor ekonomik dhe ushtarak të SHBA-së. SHBA-ja është ekonomia më e madhe në botë dhe Kina është e dyta më e madhe.

Në fillim të këtij viti, SHBA-të rrëzuan një balonë spiune kineze mbi Oqeanin Atlantik, por jo përpara se të përshkonte gjerësinë e Shteteve të Bashkuara dhe të fluturonte mbi baza të shumta ushtarake. Fundjavën e kaluar, një luftanije kineze lundroi befas nëpër harkun e një destrojeri amerikan ndërsa kalonte nëpër ujërat ndërkombëtare në ngushticën e Tajvanit. Shtetet e Bashkuara thanë se incidenti e detyroi anijen amerikane të ngadalësonte shpejtësinë për të shmangur një përplasje.

Kundërshtarët republikanë të zotit Bidenit sulmuan shpejt administratën në lidhje me sipërmarrjen e raportuar kineze në hemisferën perëndimore, megjithëse ishte e paqartë se çfarë, nëse mund të bënin diçka Shtetet e Bashkuara për ta ndaluar atë.

“Joe Biden duhet të zgjohet nga kërcënimet reale kineze në derën tonë”, shkroi në Twitter Nikki Haley, ish-ambasadore e Kombeve të Bashkuara dhe një kandidate presidenciale republikane.

Senatori Marco Rubio i Floridës, shteti më i afërt amerikan me Kubën, tha në Twitter: “Kërcënimi ndaj Amerikës nga Kuba nuk është vetëm real, por është shumë më keq se kaq”./VOA

G.MO/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça