AMA-s i shtohen 20 punonjës, ja 
2 kandidaturat e para për kryeta

TIRANE- Gentian Sala dhe Gentian Skënderasi janë dy emrat e parë që kanë hapur garën për postin kryetarit të Autoritetit të Mediave Audiovizive. Deri në 21 qershor komisioni parlamentar i medias do të presë garuesit, për të nisur më pas shqyrtimin e tyre. Ndërkohë dje në mbledhjen e komisionit u tha se AMA do të ketë të ketë strukturë të re pas zgjedhjes së anëtarëve të rinj.

Ndryshimet në strukturën e re të AMA-s, propozim i ardhur nga nënkryetari i Komisionit të Medias janë shtyrë deri në zgjedhjen e tri anëtarëve dhe kryetarit. Sipas tij, struktura e AMA-s do të shtohet me 1/3 e organikës së saj aktuale ku nga 49 punonjës që ka aktualisht pritet të shtohet me rreth 20 të rinj.

Për deputetin demokrat Luçiano Boçi, struktura e re duhej të miratohej për shkak se në raportin e hartuar për AMA-n, mungesa e kësaj structure ishte konsideruar si një problem kryesor në funksionimin e saj. Ditën e djeshme Komisioni i Medias, zhvilloi seancën dëgjimore me 5 nga kanditaturat për tri vendet vakante në AMA: Moikom Zeqo, Alfred Lela, Idar Bistri, Abdulla Omuri dhe Ani Ruçi. 


Shkrimi u botua në Shqiptarja.com (print) në 19 qershor 2014

Redaksia Online
(d.a/shqiptarja.com)