Ambasadori britanik në Tiranë ‘i fton’ të gjithë të shkojnë në koncertin e Dua Lipës: E dini ku duhet të jeni nesër! Nder ta dëgjosh

Pasi këngëtarja Dua Lipa mori nënshtetësinë shqiptare ka reaguar edhe ambasadori britanik, Alastair King-Smith, ka publikuar edhe një foto me këngëtaren.

Kryediplomati britanik me anë të një statusi në rrjetet sociale ka ftuar të gjithë qytetarët që ditën e nesërme të jenë në shesh, për të ndjekur koncertin e Dua Lipës me rastin e 110 vjetorit të Pavarësisë së Shqipërisë.

“Një nder të dëgjoj për momentet e veçanta nga turneu botëror i Dua Lipa-s dhe planet për koncertin e saj në #Tiranë.

LEXO EDHE:
Tiranë, protesta nesër, bllokohet bulevardi pranë bashkisë, policia bën thirrje të shmangen aktet e dhunës

E përgëzova për mënyrën sesi po u jep një platformë atyre zërave që duhet të dëgjohen.

Një moment i veçantë për #Shqipërinë, #Kosovën dhe #Britaninë teksa festojmë Ditën e Pavarësisë, Tirana European Youth Capital 2022 dhe #100Vjet  marrëdhënie midis Mbretërisë së Bashkuar dhe Shqipërisë. Nëse ndodheni nesër në Tiranë, e dini ku duhet të jeni!” – shprehet Ambasadori Alastair King-Smith.

G.MO/Shqiptarja.com

TAG:
• 110 vjetori i pavaresise
• Tirane
• Alastair King-Smith
• dua lipa