Ambasadori i Austrisë, Johan Sattler nga Shkodra i ka dhënë një goditje të fortë sulmeve të opozitës ndaj djegieve dhe shkatërrimit të shkollave e të materialeve zgjedhore të KZAZ-ve.
Gjatë një takimi me të rinjtë, ambasadori Sattler deklaroi se ai është dakord me atë që ka thënë ish-kryetarja e Parlamentit, Jozefina Topalli dhe ka thënë se kryetarët e partive duhet të ulen në tavolinë për të gjetur një zgjidhje.
"Është nxehur shumë situata dhe ka patur incidente sidomos ne veri dhe nuk duhet të shkohet kështu deri në fund për të parë se çfarë duhet te ndodh. I them të dy palëve që të bëjnë hapa prapa në ketë aspekt në mënyrë që të mos ketë situate më të rëndë. Keni polarizim në Shqipëri. Edhe pse jetoj prej 30 vitesh këtu nuk e kuptoj atë çfarë ndodh, klanet, përplasjet e tjera edhe pse jepen disa shpjegime për këto qe nuk me bindin asnjëherë. Ju duhet t’i kapërceni këto" ka thënë ambasadori i Austrisë.
Më pas Sattler ka shtuar se ndryshimi mund të ndodhë vetëm nëse do populli dhe jo kur duan partitë.
“I zoti e nxjerr gomarin nga balta. Nuk jemi në 1912 dhe jemi në 2019 dhe përgjegjësia është totalisht e juaja. Momentet që po jetojmë janë përsëritur shpesh ne 25 vitet e fundit dhe them se është koha te ulemi dhe t’i shohim çfarë duhet rregulluar, ta shohim sistemin për ta përmirësuar. Diçka duhet te ndodh sepse Shqipëria është në një krizë me të madhe se zakonisht. Kriza aktuale mund t’ju japë kohë për të reflektuar për sistemin. Çdo herë kur ka zgjedhje në Shqipëri ka kriza, në vendet e tjera zgjedhjet i zgjidhin krizat ndërsa këtu është e kundërta. Kryetaret e partive të ulen së bashku. Djegia e shkollave është aspak e këndshme. Ata me mendësi demokratike nuk djegin shkolla dhe unë bie dakord me zonjën Topalli dhe ju duhet të merrni një hap prapa dhe te ballafaqoheni me këto probleme. Mendoj se duhet ta përballoni kohën e zgjedhjeve me gjakftohtë dhe të ndërtoni një sistem ku parti qe nuk hyjnë në zgjedhje apo që nuk njohin zgjedhjet të mos ketë më, të gjeni një kompromis për këtë. Është shumë e rëndësishme që sistemi të hapet dhe partitë e vogla të kenë edhe ato një mundësi. Ka ardhur momenti të merreni edhe me administrimin e zgjedhjeve. Duhet të keni teknokrat 3-4 muaj përpara zgjedhjeve për të përgatitur situatën. Duhet te ketë një debat kombëtar për ketë dhe nuk mund t’ia lini vetëm politikaneve por ju duhet te jeni aktoret kryesor dhe duhet te shihni çfarë bëni ju për vendin dhe jo vendi për ju. Ndryshimi ndodh vetëm nëse doni ju ndërsa edhe ndërkombëtarët bashkë me shqiptaret e duan ketë ndryshim te situatës dhe kjo pa ju është e vështirë te ndodh. Ka patur edhe shume anullime këto kohe për shkak te lajmeve ne media për kokteilet e molotovit, zjarret e tjera si këto. Nëse ju vazhdoni me këto mënyra do ketë shumë ndikim edhe tek europianët e tjerë dhe pastaj është shumë e vështirë të hiqet një imazh i keq nga truri i tyre” ka thënë ambasadori Sattle.
Ndërsa i pyetur për përgjimet ne Bild, ambasadori austriak u shpreh se mund të jenë të sakta por duhen pritur vendimet e gjykatës ndërsa shtoi se shpresa e madhe është tek reforma në drejtësi.
Sattle ka komentuar edhe 'ngërçin' për 30 qershorin duke thënë se situata mund të zhbllokohet megjithëse duhet vepruar. Ai ka thënë se ka gazetarë që bëhen violent me situatën por duhet që qytetarët të tregohen të kujdesshëm.
“Përgjimet mund te jenë te sakta dhe nëse ka përbërje kriminale duhet të konfirmohet. Nuk e di nëse e keni ndjekur në Austri për një video qe tronditi Austrinë dhe nëse ka diçka duhet gjykuar nga gjykatat dhe këtu shpresa e madhe është tek drejtësia. Vettingu është gjithashtu duke u bërë dhe duhet t’i marrim hap pas hapi dhe duhet ta nisni nga sistemi gjyqësor. Reforma në drejtësi është shumë e rëndësishme. Sa i përket zgjedhjeve me 30 qershor, situata mund te zhbllokohet por duhet te veprohet menjëherë. Ajo qe nuk me pëlqen është se shumë politikan dhe gazetar bëhen violent dhe te rrezikshëm dhe shpesh thërrasin për katarsis te sistemit por në mënyra violente dhe këto situata mund t’ju shkurajojnë dhe t’ju hedhin pas me vite por ju duhet te jeni te kujdesshëm ndaj thirrjeve për dhune” ka deklaruar më pas Sattle.
Sattle ka dhënë edhe një mesazh të fortë për dy kahet e politikës duke thënë se duhet të gjejnë një rrugë bashkëpunimi për të qenë pjesë e BE. Ai tha se partitë politike në Shqipëri duhet të ulen bashkë për ta zgjidhur këtë situatë sepse gjakrat janë nxehur shumë dhe nuk duhet pritur fundi i kësaj historie por të bëhen hapa prapa për ta zgjidhur.
“Ka mesazhe nga ana jonë për të dyja palët, opozitën dhe qeverinë. Edhe para dy ditësh pas vendimi te Komisionit te Europës për Shqipërinë qe mendoj se nuk është kompromis i keq për të zgjidhur situatën dhe për të vendosur gjykatën kushtetuese besoj është një mesazh për të gjitha palët. Besoj qe kanë akoma kohe për tu bërë bashkë dhe duhet përdorur koha deri ne momentin e fundit për ta zgjidhur sepse është nxehur shumë situata dhe ka patur incidente sidomos ne veri dhe nuk duhet të shkohet kështu deri në fund për të parë se çfarë duhet te ndodh. I them të dy palëve që të bëjnë hapa prapa në ketë aspekt në mënyrë që të mos ketë situate më të rëndë. Keni polarizim në Shqipëri. Edhe pse jetoj prej 30 vitesh këtu nuk e kuptoj atë çfarë ndodh, klanet, përplasjet e tjera edhe pse jepen disa shpjegime për këto qe nuk me bindin asnjëherë. Ju duhet t’i kapërceni këto. Për të zgjidhur kriza të mëdha duhet të ketë edhe koalicione të mëdha dhe ju duhet të jeni më të bashkuar për të qenë pjesë e BE. Keni humbur shumë kohë në këto 30 vite. Është e lehtë për të thënë që është faji i klasës politike, është edhe faji juaj, pse rrini në shtëpi, pse nuk shkoni te nënshkruani nje peticion, detyroni partitë te jenë të hapura, mos i lini kryetarët të jenë diktator, duhet te gjeni një çështje të mirë për të luftuar që mund të jetë ose jo politike. Duhet të bëni me shumë se politikanët tuaj” ka përfunduar Sattle.
Komente
Lajme të tjera
-
Pushimet e shqiptarëve për festat e fundvitit, agjentja turistike për Report Tv: Vjena e Budapesti të preferuara! Egjipti më i vizituari këtë vit
25 Dhjetor, 15:50 -
Perëndimi: Vendimet e Parlamentit të Republikës Srpska kërcënojnë rendin kushtetues të Bosnjës
25 Dhjetor, 15:03 -
25 vjet Putin, nga miku në armik
25 Dhjetor, 12:41 -
Magjia e Krishtlindjeve në Shkodër, qytetarët shijojnë koncertin festiv para Bashkisë
25 Dhjetor, 12:10
-
‘Dhuratë zemre për Krishtlindje!' Gjimnazistët e Yzberishtit festojnë me fëmijët jetimë në Shkodër
25 Dhjetor, 11:06
-
Fushë-Arrëzi dhe Vau i Dejës kremtojnë Krishtlindjet me mesazhe shprese dhe paqe
25 Dhjetor, 11:00 -
Shkodër/ U plagos me armë zjarri, vihet në pranga 24-vjeçari pasi dha kallëzim të rremë! Autori ende në kërkim
25 Dhjetor, 10:58 -
Krishtlindja kremtohet edhe në Shkodër, qindra besimtarë morën pjesë në meshën e vigjiljes
25 Dhjetor, 10:43 -
Sondazhi i Report Tv/ PS fiton Tiranën me 18 mandate, PD 11! 8 deputetë nga partitë e reja! Në Durrës socialistët fitore të thellë, marrin dhe Dibrën e Lezhën! Garë e fortë në Shkodër
25 Dhjetor, 07:51 -
Rama në darkën me ambasadorët për festat e fundvitit: Shqipëria nuk ka plan B, vetëm anëtarësimin në BE! Presidenti i ri i SHBA-ve sjell mundësi të reja
24 Dhjetor, 18:26 -
Shkodër/ Plagoset me armë zjarri 24-vjeçari, dërgohet në spital me plagë në këmbë! Policia nis hetimet, shpall në kërkim 22-vjeçarin e dyshuar (EMRI)
23 Dhjetor, 22:02 -
Pamje magjike nga Hajmeli, 250 besimtarë krijojnë skenën e lindjes së Jezu Krishtit! Shfaqja ‘Betlehemi i gjallë’ merr vëmendjen e qindra vizitorëve
23 Dhjetor, 16:04
Nje evrope qe po shkon ne degradim gjate dekades se fundit per shkak se po drejtohet nga njerez injorante per here te pare ne historine e saj te lavdishme dhe plot krenari, eshte sot nje nga te keqiat e medha qe Po e katandisin shqiperine ne kete derexhe. Mos I degjon I, mos ju referoni per asgje. Ata qe shkateruan evropen nukk mund te kene interest te ndertojne shqioerine . Duket qarte qe perfaqesues te evropes ne shqiperi po mbeshtesin nje sistem te degjeneruar. Kjo nuk eshte rastesi as dashuri per shqiperine. Kjo eshte kurveri qe ka vetem nje synim. Ta ktheje shqioerine ne bordello . Por e keqja jone shtohet kur perballe nje qeverie te degjeneruar total ishte jemi nje opozite debilash. Dhe evropa midis opozites debile dhe pushtetit k** , duket qarte qe preferon k***. Dhe kjo per te kenaqur epshet e veta. Zgjohuni shqiptare, merni ne dore after e jetes tuaj. Perndryshe do punesoheni ne bordellon e madhe qe Po ngrihet ketu.
PërgjigjuPo ambasadori i Rusise pse hesht? Apo eshte ai qe hedh gurin dhe fsheh doren.
Përgjigju