Ambasadori rus në OKB: Kemi prova, Ukraina dhe SHBA synojnë krijimin e sëmundjeve vdekjeprurëse! Reagon Uashingtoni: Pretekst për të justifikuar luftën

Ambasadori rus Vasily Nebenzya, në Këshillin e Sigurisë në OKB ka pretenduar se kanë gjetur në Ukrainë prova të armëve kimike. Nebenzya tha se në Ukrainë ka një rrjet prej 30 laboratorësh të kërkimit biologjik që synojnë krijimin e "sëmundjeve vdekjeprurëse" të ndryshme. Sipas tij, "eksperimente biologjike shumë të rrezikshme" po kryhen në laboratorë në koordinim me SHBA. Ambasadori nuk dha asnjë provë për të vërtetuar pretendimet.

Menjëherë pas pretendimeve të ambasadorit rus ka ardhur edhe reagimi i SHBA-së. Ambasadorja e SHBA-së në Këshillin e Sigurisë në OKB, Linda Thomas-Greenfield, tha se pretendimet e Nebenzyat janë një përpjekje për të “prodhuar një pretekst për luftën e Rusisë në Ukrainë”.

“Rusia po përpiqet të përdorë Këshillin e Sigurisë për të legjitimuar dezinformimin dhe për të mashtruar njerëzit për të justifikuar luftën e zgjedhur të Presidentit Putin kundër popullit ukrainas,” tha ajo.

Lajmi kryesor:

Lufta/ Rusia vijon bombardimet, rrethon Mariupolin! SHBA: Po afrohen drejt Kievit! Autokolona gjigande është shpërndarë! Biden ndalon importin e havjarit dhe vodkës: Putin e humbi luftën

SI.E./Shqiptarja.com

TAG:
• Rusi
• ukraine
• rusia sulmon ukrainen