TIRANË- Ambasadori shqiptar në Britaninë e Madhe, Qirjako Qirko u ka bërë thirrje deputetëve britanik për t'i dhënë fund “fushatës së diskriminimit” ndaj shtetasve shqiptarë që jetojnë në vend, pasi sipas tij fëmijët po “ngacmohen në shkollat e tyre” për shkak të kombësisë. I pranishëm në Komisionin e Punëve të Brendshme, Qirko tha se duhet të ndalojnë së ndërtuari steriotipe negative që lidhen me shqiptarët.
“Do të doja të përfitoj nga ky rast për të kërkuar që kjo fushatë diskriminimi ndaj qytetarëve shqiptarë që jetojnë këtu në Britani të Madhe të ndalet. Sidomos në pjesë të mediave kundër njerëzve të mi që jetojnë këtu. Duhet të ndalet sa më shpejt sepse ka njerëz sidomos të rinj që bullizohen në shkollat e tyre vetëm pse janë shqiptarë”, tha Qirko.
Ai theksoi se mbi njëqind mijë shqiptarëve që jetojnë në Britaninë e Madhe ka mjekë, avokatë dhe inxhinierë.
"Përforcimi i stereotipeve negative për një kohë të gjatë nxit vetëm diskriminimin dhe racizmin”, u shpreh ai.
I pyetur nga deputeti konservator, Tim Loughton, nëse ai pajtohet që Mbretëria e Bashkuar nuk duhet të njohë asnjë kërkesë për azil nga shtetasit shqiptarë, ai tha: "I takon autoriteteve britanike të vendosin. Nuk mund ta diskutoj këtë çështje sepse nuk është problemi im. Ajo që mund të them është se Shqipëria është një vend i sigurt."
I pyetur sërish nëse qeveria shqiptare do të kishte problem nëse kjo do të bëhej politikë e Mbretërisë së Bashkuar, ai tha: “Nuk dua të komentoj... Nuk më lejohet të komentoj”, tha ai.
Reagimi i tij vjen pasi Sekretarja e Brendshme, Suella Braverman muajin e kaluar iu referua "kriminelëve shqiptarë" në Parlament. Komentet e Braverman bënë që kryeministri i Shqipërisë Edi Rama të reagonte duke thënë se deklaratat e saj janë "thjesht ksenofobike". Rama akuzoi Sekretaren e Brendshme për "diskriminim" ndaj shqiptarëve, sipas së cilit kjo ishte një “retorikë e lehtë për të justifikuar politikat e dështuara”.
Shqiptarët përbëjnë mbi 1/3 e 33,000 emigrantëve që mbërritën në nëntë muajt e parë të këtij viti me gomone. Qeveria britanie është nën presion të madh nga deputetët konservatorë për t'u marrë me çështjen e trafikantëve të njerëzve që përdorin gomone për të transportuar emigrantët përtej Kanalit të La Manshit.
Lajme të tjera
-
FOTO/ Mbreti Charles III në panairin e komunitetit në Britani, i mahnitur nga veshjet kombëtare shqiptare
22 Dhjetor, 15:36 -
Trump emëron të dërguarin e posaçëm në Mbretërinë e Bashkuar
22 Dhjetor, 09:28 -
Kontrabandoi 14 shqiptarë drejt Britanisë në një kamion bagëtish, arrestohet shoferi irlandez
20 Dhjetor, 11:12 -
Çmontohet organizata shqiptare që kontrabandonte drogë nga Belgjika drejt Britanisë, mbi 30 kontrolle banesash dhe disa të arrestuar
18 Dhjetor, 18:49 -
Fiton lotarinë kombëtare, britaniku me pasuri më të madhe se Dua Lipa dhe Adele së bashku
18 Dhjetor, 15:16 -
Britani/ Anulohet linja e parë në botë e autobusëve pa shofer! Shkak mungesa e pasagjerëve
17 Dhjetor, 18:30 -
Belgjikë/ Çmontohet organizata shqiptare e trafikut të kokainës drejt Anglisë! Mbi 30 kontrolle, disa të arrestuar dhe sekuestrime! Transportohej me furgonë mallrash
17 Dhjetor, 14:00 -
Publikohet emri dhe fotoja e spiunit kinez me të cilin dyshohet se ka bashkëpunuar Princi Andrew
16 Dhjetor, 17:20 -
Britania e Madhe: 50 mln paund paketë mbështetje për Sirinë
16 Dhjetor, 09:47 -
Elon Musk planifikon ndërtimin e tunelit që lidh Britaninë me Nju Jorkun për 54 minuta
15 Dhjetor, 22:34 -
Media britanike: Si baronët shqiptarë të drogës po tallen me sistemin e emigracionit në Britaninë e Madhe
15 Dhjetor, 08:30 -
Krimi shokues që ka tronditur Britaninë
13 Dhjetor, 21:55
