POP 5

Lajmet më të lexuara të 5 minutave të fundit

Politikë

Ambasadorja e Holandës përfundon misionin në Tiranë, Meta: Mirënjohje për mbështetjen e procesit të integrimit të Shqipërisë në BE

Presidenti Ilir Meta ka pritur në një takim ditën e sotme, ambasadoren e Holandës në kuadër të përfundimit të misionit të saj diplomatik në vendin tonë. Në një postim në ‘Facebook’, Meta shpreh mirënjohjen për mbështetjen që Holanda ka dhënë për procesin e integrimit të Shqipërisë në Bashkimin Europian.

Ambasadorja e Holandës përfundon misionin në Tiranë, Meta: Mirënjohje për mbështetjen e procesit të integrimit të Shqipërisë në BE

Ambasadorja, Guusje Korthals Altes dhe Presdienti Ilir meta

TIRANË- Presidenti Ilir Meta ka pritur në një takim ditën e sotme, ambasadoren e Holandës në kuadër të përfundimit të misionit të saj diplomatik në vendin tonë.

Në një postim në ‘Facebook’, Meta shpreh mirënjohjen për mbështetjen që Holanda ka dhënë për procesin e integrimit të Shqipërisë në Bashkimin Europian.

Ndër të tjera Meta shkruan se vlerëson kontributin e Ambasadores në forcimin e marrëdhënieve dypalëshe.

“Pata kënaqësinë të takohesha sot me Ambasadoren e Holandës në Tiranë, SH.S.Znj. Guusje Korthals Altes, me rastin e përfundimit të misionit të saj diplomatik në vendin tonë.

Vlerësova kontributin e Ambasadores në forcimin e marrëdhënieve dypalëshe, nënvizova nivelin shumë të mirë të tyre dhe rëndësinë e forcimit më tej në dobi të dy vendeve tona veçanërisht në fushën e shkëmbimeve ekonomike dhe investimeve të huaja, ku Holanda zë një vend të rëndësishëm dhe në rritje.

Falënderova për mbështetjen e Holandës për procesin e integrimit europian të Shqipërisë, në veçanti për qëndrimin inkurajues të Parlamentit holandez për mbajtjen e Konferencës së Parë Ndërqeveritare me Shqipërinë.

E falënderova Ambasadoren për ndihmën e Holandës, si për rindërtimin e zonave të prekura nga tërmeti i vitit 2019, ashtu edhe për ndihmën e vyer në  përballimin e pasojave të COVID-19 në Shqipëri, nëpërmjet programit UNICEF Albania, shkruan Meta.

SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça