Ambasadorja franceze: Politikanët të shmangin gjuhën e urrejtjes! Me rëndësi që zgjedhjet të jenë të lira dhe të ndershme

Ambasadorja franceze Elisabeth Barsacq, ishte në linjë me ambasadorin e BE, Lugi Soreca, sa i përket rëndësisë që zgjedhjet e 25 prillit të jenë të lira dhe të ndershme si dhe të mos ketë shit-blerje të votave. Nga Elbasani, pas takimit me drejtues politikë të partive politike në vend, Barsacq u ndal po ashtu edhe te gjuha e përdorur nga politikanët gjatë fushates elektorale, ku tha se është e rëndësishme të hiqet gjuha e urrejtjes.

"Do të doja dhe unë të shtoja diçka, besoj se heqja e gjuhës së urrejtjes do ishte gjëja tjetër shumë e rëndësishme këtu në Shqipëri. Gjithçka që tha Soreca mund ta thosha dhe unë, por sidoqoftë është me shumë rëndësi që zgjedhjet të jenë të lira dhe të ndershme dhe të votohet pa indtimiduar, pa shitur dhe pa blerë vota", u shpreh ajo.

Lajmi kryesor:

Soreca, Zingraf dhe Barsacq nga Elbasani: Zgjedhjet test për integrimin, 40 ekipe nga BE për monitorimin! Partitë të pranojnë rezultatin

TAG:
• Elbasan
• Luigi Soreca
• Peter Zingraf
• zgjedhjet parlamentare 2021
• Elisabeth Barsacq
• patronazhistet