Zgjedhjet, ambasadorja suedeze flet nga Paçrami i Shkodrës: Shqetësues fenomeni i shit-blerjes së votës

Ambasadorja e suedeze, Elsa Hastad, ishte sot e pranishme në Paçram të Shkodrës, nga ku foli për fushatën zgjedhore në vend. Para gazetarëve, ajo tha se ishte e pranishme në Paçram për të marrë këndvështrimin dhe perceptimin e njerëzve në lidhje me procesin zgjedhor, ndërsa shtoi se është shqetësues fenomeni i shit-blerjes së votës.

Ajo bëri thirrje për "kujdes", duke theksuar se stadi në të cilin ndodhet demokracia në vendin tonë është shumë e brishtë. Po ashtu ajo tha se shteti duhet t'u sigurojë qytetarëve një proces zgjedhor të mirëfilltë, ndërsa ftoi këta të për pjesëmarrje masive në kutitë e votimit.

"E vlerësoj  demokracinë, jemi këtu ne Paçram për të marrë këndvështrimin dhe perceptimin e njerëzve në lidhje me procesin zgjedhor.

Nuk flasim për shitblerjen e votës në takime,  por për pjesëmarrjen e komunitetin në procesin zgjedhor. Është shqetësues fenomeni i shit-blerjes së votës, duhet të keni kujdes sepse stadi në të cilin demokracia ndodhet është shumë i brishtë.

Kemi të gjithë një rol, por më të rëndësishëm qytetarët, por shteti duhet t'u sigurojë qytetarëve një proces zgjedhor të mirëfilltë. Nuk dua të komentoj përfshirjen e kandidatëve me të shkuar kriminale ne zgjedhje", tha ajo.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Scutari: 09/04/2021 12:10

    Ne Paçram votot i ble Nard Ndoka dhe Zef Hila!!

    Përgjigju
  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

Ministria e Jashtme dorëzon në GJND deklaratën mbi ndryshimet klimatike

Ministria e Jashtme dorëzon në GJND deklaratën mbi ndryshimet klimatike