Anëtarësimi i Suedisë në NATO, Erdogan: Nuk mund të mbështesim ata që mbrojnë terroristët

Anëtarësimi i Suedisë në NATO, Erdogan: Nuk mund të mbështesim ata që mbrojnë terroristët

Stoltenberg dhe Erdogan

Presidenti i Turqisë, Rexhep Tajip Erdogan ka reaguar mbi deklaratën e Jens Stoltenberg ditën e djeshme, ku shprehu optimizmi për finalizimin e anëtarësimit të Suedisë në NATO, në samitin e javës së ardhshme.

Teksa kërkoi që premtimet që i janë bërë Turqisë në Madrit të mbahen, Erdogan tha se vendi i tij nuk mund të mbështesë ata që mbrojnë terroristët.

“Ne nuk mund  mbështesim ata që mbrojnë terroristët. Si mund t’i pranojë Turqia ata që nuk distancohen nga terrorizmi? Ne duam që premtimet që i janë bërë vendit tonë në Madrid të mbahen. Pak aleatë kanë kontribuar në NATO sa Turqia gjatë 71 viteve të fundit. Ndërsa këto fakte janë të dukshme, ne na vjen keq për fushatat që janë zhvilluar kundër vendit tonë në periudha të caktuara kohore”, tha presidenti turk.

Tutje presidenti turk deklaroi se vazhdon të mbështesë politikën e dyerve të hapura të aleancës.

“Ne mbështetëm dhe vazhdojmë të mbështesim politikën e dyerve të hapura të aleancës. Ne demonstruam parimet tona duke miratuar anëtarësimin e Finlandës. Nuk hezituam të shprehim reagimin tonë ndaj atyre që nuk mbajtën qëndrim në luftën kundër terrorizmit. Terrorizmi dhe njerëzimi nuk mund të shkojnë bashkë. Thelbi i Aleancës është krijimi i një klime solidariteti,” tha ai.

M.T/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Hapësirat publike në plazhe, sipas jush janë:



×

Lajmi i fundit

Spahiu: Rama pazar me Greqinë, që lejoi Belerin nga burgu të udhëtoj jashtë

Spahiu: Rama pazar me Greqinë, që lejoi Belerin nga burgu të udhëtoj jashtë