Anëtarësimi në NATO dhe kërcënimi rus, Gjermania forcon bashkëpunimin ushtarak me Finlandën dhe Suedinë

Kancelari gjerman Olaf Scholz është shprehur se Gjermania do të rrisë bashkëpunimin e saj ushtarak me Finlandën dhe Suedinë dhe se vendi i tij do të shtyjë për një ratifikimi "shumë të shpejtë" të pranimit të tyre në NATO.

"Ne do të intensifikojmë bashkëpunimin tonë ushtarak veçanërisht në rajonin e Detit Baltik dhe nëpërmjet stërvitjeve të përbashkëta",  tha ai.

LEXO EDHE:
VIDEO/ Mirlind Daku shënon gol në javën e parë të kampionatit rus

Duke folur në një konferencë shtypi me kryeministrin e Lihtenshtajnit, kancelari gjerman thotë se ka besim se Turqia do të mbështesë Finlandën dhe Suedinë që t'i bashkohen aleancës, pavarësisht kundërshtimeve të saj fillestare.

Më herët, Scholz foli me presidentin ukrainas Volodymyr Zelensky dhe, sipas një zëdhënësi të kancelarit, ata ranë dakord që një zgjidhje e negociuar diplomatike midis Ukrainës dhe Rusisë do të kërkonte "një përfundim të menjëhershëm të armiqësive nga ana e Rusisë dhe një tërheqje të trupave ruse nga Ukrainë".

Lajmi kryesor:

Lufta/ Duma ruse nesër mund të ndalojë shkëmbimin e pengjeve të luftës: Ata janë kriminelë nazistë! Ukraina: Pezullohen negociatat me Rusinë

E.K/Shqiptarja.com

TAG:
• nato
• Suedi
• finlande
• mariupol
• Putin
• Volodymyr Zelensky
• ukraine
• Rusi
• rusia sulmon ukrainen