Anëtarët e KPK-së takim me delegacionin nga Asambleja Parlamentare e KiE-së, në fokus reforma në drejtësi dhe rivlerësimi i gjyqtarëve e prokurorëve

Anëtarët e KPK-së takim me  delegacionin nga Asambleja Parlamentare e KiE-së, në fokus reforma në drejtësi dhe rivlerësimi i gjyqtarëve e prokurorëve

Anëtarët e KPK-së takim me një delegacion nga Asambleja Parlamentare e KiE-së

Anëtarët e Komisionit të Pavarur të Kualifikimit zhvilluan sot një takim me një delegacion nga Asambleja Parlamentare e Këshillit të Evropës.

Tematika kryesore e takimit ishte reforma në sistemin e drejtësisë dhe procesi i rivlerësimit kalimtar të gjyqtarëve dhe prokurorëve në Shqipëri.

Kryetarja e KPK-së, Pamela Qirko bëri një rezyme të veprimtarisë 5-vjeçare të Komisionit, duke u ndalur te vështirësitë e hasura, si edhe sfidat me të cilat janë përballur anëtarët përgjatë procesit.

Qirko i garantoi përfaqësuesit e Asamblesë Parlamentare të KiE-së se Komisioni do të vijojë angazhimin e tij për të përfunduar procesin e  rivlerësimit për të gjithë subjektet e listat deri ne fund te vitit 2024.

Përfaqësuesit e Asamblesë Parlamentare të KiE-së inkurajuan anëtarët e Komisionit për të vijuar procesin e rivlerësimit, duke e cilësuar atë si një mision thelbësor për të ardhmen e Shqipërisë në Bashkimin Evropian.

Takimi u zhvillua në kuadër të misionit faktmbledhës në Tiranë të dy bashkëraporterëve të Asamblesë së Këshillit të Evropës për Shqipërinë, Joseph O’Reilly, Asim Mollazada, si edhe Bas Klein, Zëvendesshef i Sekretariatit të Komisionit të Monitorimit të AP të KiE-së.

K.T./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    A po menaxhohet si duhet situata me zjarret në vend?



×

Lajmi i fundit

E dinit? Pse dritaret e avionit janë aq të vogla?

E dinit? Pse dritaret e avionit janë aq të vogla?