Aktorja e njohur Angelina Jolie nuk njihet vetëm për profesionin e saj, por edhe për punët e ndryshme humanitare kudo në botë.

Sipas mediave të huaja ajo dëshiron t’i përkushtohet totalisht këtyre aktiviteteve duke braktisur aktrimin.

E pyetur gjatë një interviste në Channel 4, nëse do të hiqte dorë nga aktrimi ajo është përgjigjur: “Padyshim. Mendoj se do të më duhet të tërhiqem nga aktrimi. K

jo do të ndodhë në çastin kur fëmijët të hynë në vitet e adoleshencës, pasi do të kem shumë punë në shtëpi dhe në vendet tjera.

Megjithatë, jam kënaqur për kohët kur kam aktruar. Do të xhiroj edhe disa filma dhe jam e lumtur që po e bëj këtë punë.

Aktrimi është një nga profesionet më të bukura”, -është shprehur Jolie.

Prej vitesh ajo bashkëjeton me aktorin Brad Pitt dhe kanë së bashku gjashtë fëmijë, tre biologjikë dhe tre të adoptuar .

(xh.k/shqiptarja.com)