POP 5

Lajmet më të lexuara të 5 minutave të fundit

Bota

Angli/ Gjaku i prodhuar në laborator transfuzohet për herë të parë te njeriu  

Qelizat e kuqe të gjakut të rritura në laborator për herë të parë në histori janë transfuzuar te një person në një provë klinike.

Angli/ Gjaku i prodhuar në laborator transfuzohet për herë të parë te njeriu  

Foto ilustruese

Për herë të parë në histori, qelizat e kuqe të gjakut të rritura laborator janë transfuzuar te një person në një provë klinike.

Prova të mëtejshme nevojiten përpara përdorimit klinik, por shkencëtarët thonë se hulumtimi shënon një hap të madh në përmirësimin e trajtimit për pacientët me lloje të rralla gjaku ose nevoja komplekse për transfuzion( si për shembull personat që vuajnë nga anemia).

Dy pacientë në Mbretërinë e Bashkuar morën doza të vogla - të barabarta me disa lugë çaji - të gjakut të rritur në laborator në fazën e parë të një prove më të gjerë të krijuar për të parë se si reagojnë brenda trupit.

Prova, e cila tani do të shtrihet në 10 pacientë gjatë disa muajve, synon të studiojë jetëgjatësinë e qelizave të rritura në laborator krahasuar me infuzionet e qelizave të kuqe standarde të gjakut.

Studiuesit thonë se qëllimi nuk është të zëvendësojë dhurimet e rregullta të gjakut të njeriut, të cilat do të vazhdojnë të përbëjnë shumicën e transfuzioneve. Por teknologjia mund t’i lejojë shkencëtarët të prodhojnë lloje shumë të rralla gjaku, të cilat janë të vështira për t’u gjetur, por që janë jetike për njerëzit që varen nga transfuzionet e rregullta të gjakut për kushte të tilla si anemia drapërqelizore.

Ashley Toye, drejtore e Njësisë së Gjakut dhe Transplantit të NIHR në produktet e qelizave të kuqe, tha për “Sky News:

"Ky provë sfiduese dhe emocionuese është një hap i madh për prodhimin e gjakut nga qelizat burimore. Kjo është hera e parë që gjaku i rritur në laborator nga një dhurues alogjenik është transfuzuar dhe ne jemi të emocionuar të shohim se sa mirë funksionojnë qelizat në fund të provës klinike."

S.C/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 27 Janar, 09:30

    A mendoni se vota e diasporës do të jetë përcaktuese në zgjedhje?

Lajme të tjera



×

Lajmi i fundit

Më të mirët e vitit/ Bekim Balaj merr Këpucën e Artë për 2024-ën! Juxhin Xhaja 'Arbitri i vitit'

Më të mirët e vitit/ Bekim Balaj merr Këpucën e Artë për 2024-ën! Juxhin Xhaja 'Arbitri i vitit'

27 Janar, 20:22