Gjatë një mitingu të zhvilluar në Trabzon presidenti Erdogan, ka kërcënuar të ashtëquajturin Shteti Islamik, duke thënë se pavarsisht përfundimit të misionit të trupave turke në Siri, Turqia do nisë sulme të reja në pranverë.
“Por nuk është çështja për t’u ndalur, na mbetet shumë rrugë për të bërë. Ne po bëjmë përgatitje për operacione të reja në rajone të tjera për të arritur në zonat e terroristëve. Ne do t’u vendosim emra të rinj operacioneve të reja”, ka shtuar ai
Erdogan ka konfirmuar dhe njëhere pjesmarrjen në luftë kundër terrorizmit në krah të aleatëve por duke mos përfshirë milicët Kurdë pasi këta të fundit konsiderohen si grup terrorist nga Turqia.
“Faza e parë, operacioni “Mburoja e Eufratit” ndërmarrë për eliminimin e terroriztëve të al-Bab, përfundoi. Por do të ketë të tjera më pas”, është shprehur presidenti turk.
Redaksia Online
Er.K/Shqiptarja.com
![](https://www.shqiptarja.com/template/img/sh_logo1.png)