Menjëherë pas ndeshjes nuk munguan zërat se ndeshja ka qenë e trukuar. Madje klubi i Vllaznisë përjashtoi mbrojtësin malazez Cucmil i cili shkaktoi penalltinë në minutën e 94 të takimit, pas një prekje të topit me dorë.
Latifi mori përgjegjësinë e 11 metërshit, duke shënuar golin e fitores për korçarët.
Por, ka qenë Kompania e Monitorimit të Basteve Federbet, ka publikuar një status ku bën të ditur se në adresë të tyre kanë mbërritur shumë mesazhe për ndeshjen Skënderbeu – Vllaznia, ku ngrihen dyshime për një fiksim rezultati.
(Njoftimi i Federbet për dyshimet në ndeshjen Skënderbeu-Vllaznia)
Kjo kompani bën të ditur se do të hetoj këtë takim por ndërkohë kërkojnë dhe ndihmë për t’u dërguar informacion mbi bastet e dyshimta apo dhe lëvizjet e koefiçentëve.
Me fitoren dramatike në minutat e fundit, Skënderbeu qëndron vetëm një pikë larg kryesuesve të Kukësit dhe Partizanit, duke mbetur kështu në garën për titullin kampion të shtatë radhazi.
Redaksia Online
l.q/Shqiptarja.com