Anonymous braktis planin
për të sulmuar kartelet e drogës

Anonymous, lëvizja ndërkombëtare e hacker-ave, planifikonte të ekspozonte bashkëpunëtorët e kartelit meksikan të drogës, Zetas. Plani u braktis nga hacker-at nga frika e një vrasje masive prej kartelit, si përgjigje ndaj sulmit.

Hacker-at duket se janë tërhequr, prej faktit se karteli mund të vriste të pafajshëm. Asnjë prej hacker-ave nuk ka dashur të ketë në ndërgjegje vrasjen e një të pafajshmi.

“Kjo e bënë operacionin nga të rrezikshëm në një operacion vrasje,” tha një nga pjestarët e anonymous, Barret Brown, për Guardian.

Ngjarja filloi me një video të publikuar në rrjet në muajin tetor dhe premtoi të zbulonte identitetin e njerëzve që punonin për Zetas, nëse karteli nuk lëshonte një peng, pjesëtare të Anonymous, të rrëmbyer në Veracruz.

Video shkaktoi në stuhi në rrjet: Ndërkohë që Anonymous ka pasur si shënjestër website-et e bizneseve dhe të qeverive përreth botës, ishte e paqartë se si do të konfrontohej me organizatat e rrezikshme mafioze meksikane. Mesazhe konfliktuale janë shfaqur në Twitter dhe rrjete të tjera, me disa aktivist që kërkonin anulimin e operacionit dhe të tjerë që kërkonin të vazhdoj.

Lajmi arriti majat kur të enjten në Meksikë disa pjesëtar të Anonymous, të cilët më parë kishin kërkuar të vazhdonte operacioni, thanë se Zetas ka lëshuar pengun e marrë.

Ata thanë se pengu i liruar kishte marrë një mesazh nga karteli, i cili kërcënonte vrasjen e 10 personave të pafajshëm për cdo emër të bërë publik nga Anonymous.