76 ton kafe 'Meduza' pa akcizë në Vorë, 150 mijë euro gjobë biznesit, Denaj: S'do mjaftohemi vetëm me një analizë të disa muajve

VORË- Aksioni anti-informalitet ka goditur një tjetër rast të fshehjes së produkteve të akcizës. Në një inspektim të një subjekti nga Ministria e financave është zbuluar një depozitë me kafe të pjekur, 'Meduza' me një sasi totale prej 76 mijë kilogram e cila nuk kishte shlyer detyrimet ligjore.

Detyrimi i munguar i akcizës është rreth 4.6 milionë lekë dhe krahas kësaj shume, subjektit që kishte në pronësi kafen pa akcizë është gjobitur me 13.8 milionë lekë, duke e çuar në total detyrimin që duhet të paguajë subjekti në vlerën e 18.4 milionë lek ose thënë ndryshe 150 mijë euro.

Në këtë inspektim në zonën e Vorës ka qenë e pranishme edhe ministrja e Financave dhe Ekonomisë, Anila Denaj, së bashku me Drejtorin e Përgjithshëm të Doganave,Arlinda Gjokuta.
Ndërkohë në lidhje me këtë shkelje ka reaguar edhe kryeministri Rama duke thënë se " Lufta kundër abuzuesve vazhdon pa pushim dhe do të shtrihet në çdo magazinë doganore, për të gjitha produktet e “rënda” të akcizës".  Zbulimi i evazionit fiskal në Vorë ka ardhur në saj të aksionit që po ndërmerret në të gjithë vendin tonë për të goditur informalitetin, duke filluar nga plazhet dhe lirimi i zonave publike e deri tek hotelet e komplekset me të famshme të vendit.

“Në vijim të zbatimit të planit operacional të masave që Drejtoria e Përgjithshme e Doganave ka nisur qe prej datës 1 korrik, ka vijuar kontrolli i të gjithë subjekteve që tregtojnë produktet e akcizës. Fokusi kryesor ka qenë te produktet e karburantit, por nuk janë lënë pas dore edhe produktet e tjera siç janë pijet alkoolike, kafja apo duhani. Plani është i ndarë sipas produkteve dhe përsa i perket pijeve alkoolike, fokusi kryesor gjatë këtij muaji ka qenë te produkti i birrës dhe do të vazhdojë të jetë aty. Të gjithë strukturat tona janë fokusuar si në fabrikat e prodhimit të birrës, ashtu edhe te magazinat fiskale të stokimit”, u shpreh Gjokuta.

Kujtojmë se disa ditë më parë aksioni anti-informalitet  ka ndëshkuar  subjektin e hidrokarbureve Gega Oil pasi është kapur me shkelje. Ky biznes kryente evazion fiskal duke kaluar regjimin e kasës nga automatike në manuale, duke fshehur kështu të ardhurat reale e duke deklaruar më pak fitim. Subjekti në fjalë është kapur me një sasi prej 233 mijë litra benzinë të pa deklaruar e cila fshihej pikërisht përmes ndryshimit të regjimit të kasës. Benzina e pa deklaruar  u kap në Porto Romano në magazinat fiskale, gjatë një inspektimi në terren dhe ndaj Gega Oil u vendos një gjobë 350 mijë euro.

( Dokumenti që vërteton bllokimin e kafes "Meduza" )

 

/G.M./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Vlonjati: 17/08/2019 19:28

    SI E KOMENTONI TGJITH KTA MIQT E RAMES ME SHKELJE JO KUPONI.. JO AKCIZA... jo tatime..

    Përgjigju
  • Vlora: 17/08/2019 13:19

    U meruam, vetëm Vlorë, ç rracë paskemi qënë!

    Përgjigju
    • Lagja Çole: 17/08/2019 13:51

      Jo vlore, por fshataret leber... Qytetaret e Vlores jan tjeter gje.

  • Loni: 17/08/2019 13:07

    Sinqerisht kjo po me duket si tallie, po si ka mundesi nuk paska vajtur Dogana te verifikoj gjendjen magazin fiskale ??ku aksiza eshte e ardhur baz e shtetit . Mua po me duket si farse .

    Përgjigju
  • Sondazhi i ditës:

    Vizita e Presidenti Begaj në Kosovë, si i vlerësoni mesazhet dhe takimet që zhvilloi?



×

Lajmi i fundit

8 ushtarë të tjerë rusë të dyshuar për krime lufte në Bucha, plaçkitën shtëpitë e braktisura

8 ushtarë të tjerë rusë të dyshuar për krime lufte në Bucha, plaçkitën shtëpitë e braktisura