Ibrahimaj në Report Tv: Në shtator ndryshojmë ligjin që frenon favoret e gjykatave ndaj bizneseve në shkelje

Drejtoresha e Përgjithshme e Tatimeve Delina Ibrahimaj foli në studion e Report Tv për sistemin e fiskalizimit. Ajo tha se në këtë sistem kontrolli do të jetë shumë më efektiv se ai në terren.

"Të gjithë subjekte nga 1 janari do të operojnë me sistemin e ri. Për ne kontrolli nga zyra do të jetë shumë më efektiv se ai në terren. Kontrolli tatimor do të jetë një strukturë shumë më inteligjente se ai që është sot. Kemi planifikuar një sërë trajnimesh. Diferenca mes dy sistemeve do ta ulë koston e të bërit biznes. Çdo biznes i ri do të ketë kosto më të ulëta. Disa prej kasave të cilat do ta suportojnë sistemin e ri ndërsa disa të tjera do të dalin jashtë sistemit. Është menduar edhe për ato subjekte që nuk do arrijnë të përballojnë blerjen e një softueri të ri. Këto thjesht do të adaptohen", tha Ibrahimaj

Drejtoresha e  Përgjithshme e Tatimeve Delina Ibrahimaj ishte në studion e Report Tv për të folur lidhur me aksionin anti-informalitet. Brahimaj tha se përqendrimi në fushën e hidrokarbureve përgjatë këtij aksioni erdhi pasi ky sektor pavarësisht shtimit të të ardhurave ka sjellë ulje të ndjeshme të deklarimit të tyre.

Ajo tha se plani paraprak i këtij aksioni u tejkalua.

"Ky aksion nisi pasi u evidentuan disa pika të cilat operonin jashtë rregullave. Në regjim manual jo në regjim automatik. Gjithsej janë kryer 703 kontrolle në karburante. Gjatë muajit gusht kemi bërë analiza të thelluara në këtë sektor. Informaliteti është një problem që e ka prekur ekonominë shqiptare prej shumë vitesh. Ne kemi dashur të përqendrohemi në ato subjekte që figurojnë me risk. Ne nuk shkojmë kudo po aty ku ne mendojmë se ka shumë informalitet. Kemi konstatuar 40% të subjekteve me shkelje por kjo nuk do të thotë se ka 40% informalitet.

Gjatë muajit gusht plani ynë u realizua dhe u tejkalua. Rezultati i tatimit mbi vlerën e shtuar ka pasur një rezultat shumë të lartë. Paketa fiskale është bërë 8% duke nxitur deklarimin. Masat tona do të normalizojnë situatën

Kemi bërë një analizë të atyre sektorëve që ngadalësojnë deklarimin e TVSH-së. Sektori i hidrokarbureve ka pasur rritje të eksportit duke sjellë rritje të turizmit. Rënia deklarimit të tyre na ka nxitur të ushtrojmë kontrolle. Plani jonë është ndërlidhur me disa institucione. Kemi bashkëpunuar në mënyrë që aksioni të jepte këto efekte. Sektori i hidrokarbureve na ka rezultuar me rënie të deklarimit të TVSH-së gjë të cilën nuk e justifikojnë të ardhurat e ardhura prej saj", tha Ibrahimaj.

Drejtoresha e përgjithshme e Tatimeve tha nëpërmjet planit që ka ndërmarrë institucioni që ajo drejton do të kalohen në sitë jo vetëm bizneset por edhe punonjësit. Brahimaj u shpreh se denoncimet për punonjësit kanë ardhur edhe në aplikacionin stop-informalitetit.

"Nëpërmjet këtij plani nxisim subjektet për t'u deklaruar. Ne do kemi një fokus të shtuar drejt këtyre subjekteve duke filluar nga më të mëdhenjtë duke shkuar tek më të vegjlit. Struktura e hetimit tatimor është ristrukturuar. Çdo inspektor dhe çdo punonjës është në sitë dhe ata që do të deklarohen me shkelje dhe abuzim do të largohet nga tatimoret. Këtë problematikë do përpiqemi ta bëjmë zero. Deri tani kanë ardhur shumë denoncime kundër informaliteti që denoncojnë jo vetëm bizneset në shkelje por edhe inspektorët tatimorë", tha Ibrahimaj.