Apeli nga Puka: Ndihmë! Kam
frikë se fëmijët më vdesin urie
Shishtavec, Nela: Po mbarohen ushqimet
Moti i keq pengon shperndarjen e ndihmave
Ajo çka realisht ndodh në komunat e izoluara prej gati 2 javësh në veri të vendit e tregojnë vetëm banorët. Ato të cilët prej ditësh, bora u ka bllokuar banesat, rrugët dhe i vetmi ushqim është misri i zier; edhe ky drejt përfundimit. Me lot në sy, me zë që i dridhen nëpër telefona, dhe me shpresën te zoti, presin që dikush ti afrojë ndihmë. Hysni Haxhi Paja nga fshati Trun i komunës Blerim, të Pukës bën apel për ndihmë. Kryefamiljari 64 vjeçar mban mbi supe përgjegjësinë për mirëqënien e 10 familjarëve të tij, më i vogli fëmija i djalit, 9 muajsh, të cilin deri tani e ka ushqyer me atë pak miell, por tani edhe ai është drejt fundit. (Në foto pamje nga bora në Pukë)
PUKE- Ajo çka realisht ndodh në komunat e izoluara prej gati 2 javësh në veri të vendit e tregojnë vetëm banorët. Ato të cilët, prej ditësh, bora u ka bllokuar banesat, rrugët dhe i vetmi ushqim është misri i zier; edhe ky drejt përfundimit. Me lot në sy, me zë që i dridhen nëpër telefona, dhe me shpresën te zoti, presin që dikush ti afrojë ndihmë.
Kjo është edhe historia e Hysni Haxhi Pajës, kryefamiljarit 64 vjeçar, i cili mban mbi supe përgjegjësinë për mirëqënien e 10 familjarëve të tij, më i vogli fëmija, i djalit, 9 muajsh, të cilin deri tani e ka ushqyer me atë pak miell, që e ka ruajtur vetëm për të. Por tani edhe ai është drejt fundit.
Ja biseda telefonike që "Shqiptarja.com" bëri me Hysni Haxhi Pajën, i cili jeton në fshatin Trun, të komunës Blerim, 63 km larg Pukës, pikërisht aty ku vite më parë, u xhirua filmi “Rrugë të bardha” dhe personazhi kryesor Deda ngrin në shtyllën telefonike.
Si quheni ?Quhem Hysni Haxhi Paja. Jetoj në fshatin Trun. Jam vetë i dhjeti në shtëpi, pa bukë. Shtëpia ime është 1 orë larg qendrës së fshatit. Nuk kam asnjë shtëpi afër. Jam shtëpia e vetme në mal
Sa vetë jeni në shtëpi?Kam grunë, djalin vetë i katërti, dhe tre vajza. Kam fëmijën e djalit, që është 9 muajsh. Nuk kam çfarë ti jap për të ngrënë, vetë po ha misër.
Prej sa ditësh jeni të izoluar? Prej 2 javësh. Shtëpia ime është komplet e izoluar. Në oborrin e shtëpisë time bora shkon në 1.5 metër borë. Jam komplet i izoluar
A keni kërkuar ndihmë?Kam lajmëruar prefektin, kryetarin e komunës.
Cfarë të kanë thënë?Do bëjmë çtë mundemi, por nuk mund të vijmë atje, pasi makinat nuk kalojmë dot Qafën e Malit, është 3. 5 metër bore atje. Jam shumë i lodhur. Më vjen gjynah prej fmijve, po më vdesin unit, pa pasur asnjë lloj sëmundje. (në këto momente zëri i dridhet në telefon)
Po fëmijën 9 muajsh me se e ushqeni? I kisha ndarë pak miell për ti bërë qull. Por dhe ai po më mbaron. Vetë ha misër.
Keni parë ndonjëherë një situatë të tillë?Unë jam le e rrit në këtë shtëpi, dhe stërgjyshi e gjyshi im. Por si kjo borë skam parë asnjë herë. As në 1985 nuk e kam parë kaq keq. Tregon Hysni Haxhi Paja, i cili kur përfundon bisedën me të nuk harron pa të ururar “Zoti të rujt”.
(per ti ofruar ndihme familjes Paja mund te kontaktoni ne numrin 0686266272, Hysni Haxhi Paja)
(shqiptarja.com)
Sondazhi i ditës:
Kabineti i ri qeveritar, jeni dakord me ndryshimet e bëra nga Rama?
-
Po
39.7%
-
Jo
49.9%
-
Nuk e di
10.4%
Vota total: 7392
Votat totale janë unike
Lajme të tjera
-
Zjarri në Shëngjin, Ministria e Mbrojtjes: Shmanget rreziku për banesat dhe bizneset! Do të fillojë sërish ndërhyrja nga ajri
30 Korrik, 22:51
-
Zjarr në Shëngjin, reagon Pjerin Ndreu: Dy fjalë për ata që gjetën 'fajtorët', shpëtuam banorët nga flakët por jo nga shfryrja pafre e fantazisë së tërbuar
30 Korrik, 22:45
-
Gara e Kamala Harris për Shtëpinë e Bardhë, ngushtohet rrethi i emrave të përfolur për postin e nënpresidentit
30 Korrik, 22:36
-
7 arsye pse i ndjeni këmbët e rënduara dhe si ta lehtësoni gjendjen
30 Korrik, 22:21
-
Drejtori në detyrë i Shërbimit Sekret: Dështimi i masave të sigurisë për ish-Presidentin Trump 'i pajustifikueshëm'
30 Korrik, 22:15
-
Vijojnë të jenë aktive vatrat e zjarrit në Shëngjin, por me intensitet më të ulët
30 Korrik, 22:02
-
Masud Pezeshkian betohet si president i ri i Iranit
30 Korrik, 21:44
-
Dash Sula nuk përmbahet gjatë seancës plenare, hipën mbi tavolinë dhe u thërret kolegëve
30 Korrik, 21:29
-
Mero Baze: Për të qetësuar të 'egërsuarit' e sotëm të opozitës
30 Korrik, 21:18
-
Zbardhen emrat e Asamblesë së re Kombëtare të PS-së! Zgjidhet anëtare edhe Helena Kaçe, 'pasardhësja' e Ramës
30 Korrik, 21:11
-
Ksamil/ Rrezikuan të mbyteshin pasi iu këput timoni i varkës, Policia shpëton 6 persona
30 Korrik, 21:10
-
Sulmi izraelit në bastionin e Hezbollahut, humb jetën komandanti i lartë! Lëshohen raketa në veri të Izraelit
30 Korrik, 21:01