Apo po tenton Putin që të vrasë Zelenskyn? Bombat ruse lëshohen pranë pallatit persidencial

A po përpiqen rusët që të vrasin presidentin Volodymyr Zelensky? Nëse pyet ndonjë përfaqësues të qeverisë ukrainase, në përgjithësi përgjigja do të jetë se ata nuk do të kenë sukses dhe se në çdo rast, ndryshe nga diktatura e Putinit, ata kanë një qeveri demokratike, ku ‘të gjithë janë të rëndësishëm dhe askush nuk është i domosdoshëm’! Prandaj , ka një ekzekutiv të aftë të funksionojë në mënyrë të përsosur, në mënyrë kolegjiale dhe me mekanizmat e nevojshëm për të zëvendësuar liderin.

Megjithatë, është e vërtetë se vala e bombardimeve intensive në Kiev në orët e fundit ngre çështjen e sigurisë së Zelenskyt. Për më tepër, nuk kishte ndodhur kurrë në gati tetë muaj luftë që raketat ruse të binin kaq afër pallateve presidenciale. Në mënyrë të pashmangshme, rikthehen kujtimet e orëve të para të 24 shkurtit, kur njësitë speciale ruse dhe agjentët e tyre synuan të bombardonin shtëpinë e Zelenskyt, por presidenti dhe familja e tij u larguan në kohë.

Sulmet e orëve të fundit janë një kambanë alarmi. Lideri çeçen dje u rikthye për ta kërcënuar hapur: “Ik me miqtë e tu perëndimorë, ik pa kthyer kokën pas!" Zelensky do të qëndrojë, por me një kujdes të shtuar, shkruan Corriere Della Sera.

Lajmi kryesor:

Biden: Putin një person racional që llogariti gabim pushtimin e Ukrainës! Rusia: Të hapur për bisedime me SHBA! Zelensky: S’mund të ketë dialog

M.Q./Shqiptarja.com

TAG:
• lufta ne ukraine
• rusia sulmon ukrainen