Futja në listën e zezë të ish deputetit të Elbasanit Aqif Rakipi dhe biznesmenit Ylli Ndroqi nga SHBA, ka sjellë edhe reagimet e politikës. I pari reagim erdhi nga i biri i Aqif Rakipit, Orlando Rakipi deputet i Kuvendit nën siglën e Partisë Socialiste, ku thotë se akuzat e SHBA s’kanë lidhje me babanë e tij.
Ndërsa nga deputetë e PD ky lajm nga SHBA vërteton akuzat e tyre. Basha tha se Rama humbi aleatin e tij kryesor që e solli në pushtet, ndërsa Jorida Tabaku theksoi se vendimi i SHBA sanksionoi vjedhjen e zgjedhjeve, ndërsa shtoi se do të bëhet festë kur grupi i strukturuar kriminal i Inceneratorëve të shpallet “non grata”.
Deputeti i PD, Gazmend Bardhi përshëndeti vendimin e SHBA për shpalljen “non grata” të Aqif Rakipit, duke thënë se kjo është prova se krimi i organizuar ka ndikim në poltikën shqiptare.
Sipas tij vendimi i SHBA për evidentimi me emër dhe mbiemër i politikanëve të lidhur me krimin e organizuar dhe të korruptuar është një standard që meriton respekt dhe që duhet të vijojë.
“Për herë të parë SHBA shprehet qartë se krimi i organizuar ka ndikim në politikën shqiptare, duke përdorur para dhe dhunë për të përcjellë mbështetje drejt kandidatëve të preferuar. Zgjedhjet e Prillit 2021, veçanërisht në Elbasan, e provuan këtë dhe përfituesi i drejtpërdrejtë dhe arkitekti i kësaj skeme ishte dhe mbetet Edi Rama.
Evidentimi me emër dhe mbiemër nga SHBA i politikanëve të lidhur me krimin e organizuar dhe të korruptuar është një standard që meriton respekt dhe duhet të vijojë. Vetëm me mbështetjen e SHBA mund të pastrohet politika shqiptare dhe qeverisja tu kthehet njerëzve.”, shkruan deputeti.
Deputetja e PD Jorida Tabaku komentoi vendimin e DASH, duke thënë se sanksionoi vjedhjen e zgjedhjeve, ndërsa shtoi se do të bëhet festë kur grupi i strukturuar kriminal i Inceneratorëve të shpallet “non grata”.
“Unë besoj që duhet të fokusohemi të lajmi i mirë që u sanksionua vjedhja e zgjedhjeve. Një pjesë i dedikohet vjedhjes së zgjedhjeve në Tiranë dhe Elbasan që do të thotë se ka pasur masakër zgjedhore.
Gjëja e dytë është kur grupi i strukturuar kriminal i Inceneatorëve të shpallet non grata, do të ketë festë”, u shpreh Tabaku.
Ish-kryetari i PD, Lulzim Basha përshëndeti vendimin e DASH për shpalljen “non grata” të Rakipit, duke thënë se tani kryeministri Edi Rama humbi aleatin e tij kryesor që sipas tij e solli në pushtet. Basha tha se ai dhe PD kanë luftuar për këtë betejë, ndërsa shtoi se ka ardhur momenti që Parlamenti t’i kthehet shqiptarëve.
“ Rakipi ka blerë bota për llogari të Edi Ramës. Kanë tjetërsuar vullnetin e popullit. Diferenca mes Edi Ramës dhe opozitës ishte e barabartë me numrin e votave që mblodhi Rakipi, për të sjell 2 veta në Kuvend. Edi Rama ka sot të gjitha arsyet të ndihet i vetëm, sepse ka humbur një partner pa të cilën nuk mund të kishte ardhur në pushtet. Dua ta përshëndes vendimin SHBA, dua ti them çdo shqiptari që nuk jemi vetëm në betejën tonë që këtë parlament t’ia kthejmë qytetarëve që të kemi një qeveri që nuk është pjellë e korrupsionit, por një parlament që buron nga vota e lirë.”, tha Basha.
Sali Berisha i shpallur 'non grata' nga Shtetet e Bashkuara të Amerikës është pyetur nga gazetarët për vendimin e fundit të DASH që futi në listën e zezë Aqif Rakipin.
"Pyesni Aqif Rakipin"tha Berisha i shpallur non grata.
Pas vendimit të DASH për shpalljen non grata të Aqif Rakipit, deputeti Orlando Rakipi për Report Tv.
“Jam dhe me emocione. Kemi lindur ne demokraci, jam pro amerikan dhe babai im po ashtu. Se di ca është ai lloj vendimi. S’na ka ndodhur kurrë ajo gjë. Babai im është super i pastër. Mund ta shihni s’ka asnjë rekord kriminal dhe se çfarë flitet. S’kemi lidhje me atë pjesë, që na thonë kriminel. Ne jemi të pastër, babai im është i pastër, ka ikur nga politika për diçka. Jam i hapur të bëj gjithçka. Jam I gatshëm të le mandatin nëse është nevoja", tha Orlando Rakipi për Report Tv.
Komente
Lajme të tjera
-
Amerika po planifikon të tërhiqet nga Organizata Botërore e Shëndetësisë
24 Dhjetor, 14:47 -
SHBA/ Komisioni i Etikës akuzon ish-ligjvënësin e Floridas, Matt Gaetz se pagoi rregullisht për seks, përfshirë një minorene
24 Dhjetor, 14:45 -
Mori çantën e shpinës me dhurata në stacionin e trenit, Parashqevi Simaku i bëri kërkesë gazetares: A mund të më gjeni vajzën që e ka bërë këtë
24 Dhjetor, 12:59 -
‘Propagandë me TikTok-un, por janë kokë e këmbë në EncroChat’, Basha: Më 11 maj të pastrojmë politikën nga të korruptuarit
24 Dhjetor, 12:35 -
Lista serbe jashtë zgjedhjeve, ndërkombëtarët: Veprim politik! Vuçiç: Kurti po eleminon të vetmin kundërshtar
24 Dhjetor, 12:16
-
Elon Musk: Inteligjenca Artificiale do të tejkalojë zgjuarsinë e njerëzve brenda vitit 2030
24 Dhjetor, 09:15 -
E zënë ethet, ish-presidenti amerikan Bill Clinton shtrohet në spital me temperaturë të lartë
24 Dhjetor, 07:08 -
Luigi Mangione deklarohet i pafajshëm për akuzat shtetërore për vrasjen e CEO-s Brian Thompson
23 Dhjetor, 22:52 -
Perëndimi shpreh shqetësim për moscertifikimin e Listës Serbe
23 Dhjetor, 21:32 -
‘Ford’ jep një milion dollarë donacion për inaugurimin e Presidentit Trump
23 Dhjetor, 20:39 -
Presidenti i zgjedhur Trump përsërit thirrjen për të blerë Groenlandën
23 Dhjetor, 20:10 -
Augustin Palokaj: Masa të padrejta, të paqarta, të pakufizuara dhe jotransparente
23 Dhjetor, 20:10
Iriqi ne ferre se ne ferre. Eshte çeshtje geni mor bir ska lidhje me ty.
PërgjigjuZ.Orlando edhe anetarja me e re Gjyqit Suprem ne SH.B.A.,Ketanji Brown Jackson, ka patur nje te aferm me probleme me drejtesine,por kjo nuk e pengoi te zgjidhej.Pse nxitohesh te japesh doreheqjen? Lere babain te mbaje kryqin e vet dhe te pergjigjet per mekatet e tij dhe qendro asnjanes ne kete ceshtje dhe mos dil para kamerave me betime e sterbetime per pafajesine dhe pastertine e tij.Ai ka rrugen e tij dhe ju tuajen.
PërgjigjuPO KUR ÇESHTJA ËSHTË SE BABAI I KTIJË KA BLERË VOTAT DHE KA INFLUENCUAR NË MENYR JO LIGJORE PËR TA BËRË DEPUTET... SI MENDONI JU ZOTERI!? DUHET TË RIJ DEPUTET A JO.
O Lul toci PS mori 200 m7je vita me shume se ju te gjithe dhe ja paska dhane Ralipi.Behu nji here seruiz dhe mos trego prralkat e Saliut ,qe sa here ka humbur zgjedhjet del me teorine mi vidhen.Jo ,ju keni humb besimin ne popull si PD dhe LSI,treguesi zgjedhjet lojale 5 me 1
Përgjigju