Arabi, kamikazi hedh veten në
erë përpara konsullatës së SHBA

Një kamikaz ka hedhur veten në erë shumë pranë konsullatës së Shteteve të Bashkuara të Amerikës në Jeddah.

Siç bëjnë të ditur mediat e huaja, nga sulmi i kamikazit kanë mbetur të plagosur dy oficerë të policisë që kanë qenë në shërbim në momentin e ngjarjes, por nuk ka pasur të vdekur.

Menjëherë pas ngjarjes policia vendase ka nisur hetimet rreth saj, por ajo çka dihet për momentin është fakti se Departamenti Amerikan i Shtetit ka paralajmëruar të gjithë shtetasit amerikanë që të bëjnë kujdes gjatë lëvizjeve në Arabi Saudite, pasi rreziku është evident.

Sulmi ka ardhur  në orët e para të ditës së pavarësisë së Shteteve të Bashkuara të Amerikës.

Redaksia Online
(F.T/shqiptarja.com)