E gjithë vëmendja në këto ditë në Lindjen e Mesme është tek presidenti, zonja e Parë Melania Trump e sigurisht edhe tek Ivanka bashkëshorti Kushner të cilët shoqërojnë ciftin presidencial.
Dhe ajo cka vune re mediat ishte fakti që si Melania edhe Ivanka nuk u mbuluan me shami sic e do edhe tradita e Arabisë. Por ky nuk është i vetmi rast pasi edhe kreyministrja britanike May dhe kancelarja Merkel gjatë vizitës në Riad nuk janë mbuluar.
Turi i Trump pavarsisht jehonës së Russiagate do të zgjas 8 ditë dhe ai do të vizitojë qytete që u përkasin feve të ndryshme duke u ndalur në Palestinë, Bruksel, Vatikan dhe Sicili.
Presidenti amerikan do të shkojë në Vatikan për të takuar papa Frençeskun dhe më pastaj do të shkojë në Bruksel për të takuar vendet anëtare të NATO-s, para se t'i jap fund udhëtimit të tij në qytetin sicilian Taormina për takimin e G-7-ës.
Redaksia Online
e.m/Shqiptarja.com