Arabia Saudite zhbllokon 26 milionë dollarë për palestinezët në Gaza

RIAD, 25 korrik /ATSH-AFP/ - Mbreti Abdallah i Arabisë Saudite urdhëroi një ndihmë prej 25,7 milionë dollarë destinuar për mbulimin e mungesës së medikamenteve dhe kujdesin për të plagosurit në Rripin e Gazës, njoftoi sot agjencia zyrtare saudite e lajmeve SPA.
Kjo ndihmë, destinuar Ministrisë palestineze të Shëndetësisë, i shtohet 53,3 milionë dollarëve të zhbllokuara më 14 korrik në mbështetje të Kryqit të Kuq palestinez në Rripin e Gazës.
Ofensiva izraelite kundër Hamasit, lëvizja islamike palestineze që kontrollon Rripin e Gazës, ka shkaktuar më shumë se 800 të vdekur dhe më shumë se 5 000 të plagosur në 18 ditë mes palestinezëve./
/ec/