Arbitri i Juventus - Bologna drejt pezullimit, konfirmohet gabimi i rëndë! Audio me VAR do publikohet

Juventusi dhe Bologna barazuan 1-1 në fundjavë për javën e dytë në Serie A. Ndeshja e Torinos nuk kaloi pa polemika, me arbitrin Di Bello që nuk akordoi një penallti në favor të miqve, çka është parë si e dyshimtë nga Shoqata e Arbitrave në Itali.

“Penalltia që nuk iu dha Bolognas për shkak të një faulli të lojtarit të Juventusit, Illing Jr. ndaj Ndoye, është një gabim i dukshëm, fillimisht nga arbitri dhe më pas nga dy arbitrat në dhomën e Var”.

Burime për agjencinë e lajmeve italiane ANSA, nuk e fshehin se “gabimi është i qartë”. Por, sipas ANSA, besohet se i pari që nuk e ka interpretuar si duhet dinamikën, sado evidente të episodit ishte arbitri kryesor Di Bello. Dhe në udhëzimet e dhëna nga emëruesi i arbitrave Rocchi është se përgjegjësia për zgjedhjet i takon kryesisht arbitrit. Bindja teknike e Shoqatës së Arbitrave është se në kundërshtim me besimin popullor, është më e lehtë për një gjyqtar të mirë të kuptojë një veprim sesa të jetë para një monitori.

Thënë kjo, ka të ngjarë që të tre, Di Bello, Fourneau dhe Nasca (VAR) të ndalohen për një ose dy raunde, por orientimi i Rocchi është të pezullojë gjyqtarët mbi të gjitha për çështje disiplinore. Pritet që audio e komunikimit të arbitrave në këtë rast të publikohet, gjë që është konfirmuar edhe nga krerët e arbitrimit.

S.DH/Shqiptarja.com

TAG:
• serie a
• juventus
• Bologna