Takaj deklaroi se është optimist për të ardhmen dhe u shpreh i lumtur për fitoren e arritur.
“Pavarësisht se nuk arritëm të kualifikohemi, skuadra e arriti objektivin e saj në Europë. Morëm një fitore mjaft të rëndësishme, që na duhet për të rritur koefiçientin në Europë. 5 pikë në fazën e grupeve dhe asnjë humbje në shtëpi, besoj se janë një rezultat mjaft i kënaqshëm, ndaj jam i lumtur”, tha bosi i korçarëve.
“Sot më pëlqeu më shumë grupi. Nuk veçoj individë, sepse forca e vërtetë e këtij Skënderbeu, është grupi i ndërtuar”, tha Takaj.
Gjithashtu bosi i Skënderbeut u shpreh i kënaqur për punën e trajnerit Daja, duke deklaruar se rezulatet flasin vetë.
“Nuk kam çfarë të them për Dajën, sepse për të po flasin rezultatet. Ai është trajneri i duhur për ne dhe do të vijojmë një rrugë të gjatë bashkë. Objektivi në Europë u arrit dhe tani duhet të punojmë për të fituar titullin kampion” përfundoi Ardian Takaj.
Redaksia Online
a.dr/shqiptarja.com