POP 5

Lajmet më të lexuara të 5 minutave të fundit

Kultura

Arkeologu francez rikthehet pas 51 vitesh në Apoloni, Pierre Cabanes: Mos i ndalni gërmimet

Arkeologu francez Pierre Cabanes rikthehet në Apoloni, aty ku para 50 vjetësh drejtoi punimet për gërmimet arkeologjike. Profesori sot 91 vjeç, thotë se ende potenciali arkeologjik i Apolonisë nuk njihet dukë u bërë thirrje kolegëve shqiptarë të mos ndalin gërmimet dhe të vijojnë të zbulojnë pasuritë e Apolonisë.

Arkeologu Pierre Cabanes, themeluesi i Misionit arkeologjik shqiptaro-Francez rikthehet mbas 50 vitesh në Apoloni.  Profesor Cabanes, sot 91-vjeç veçon i gjithë territori i Parkut të Apolonisë ka një histori qytetërimi që sot nuk njihet akoma.

“Për herë të parë kam ardhur në Apoloni në 1971. Ishte vizita ime e parë në Shqipëri i shoqëruar nga Aleks Buda dhe Skënder Anamali. Kisha lexuar shumë për aktivitetin e Leo Rojit  në këtë vend  të veçantë. Një vend i bekuar me histori, kulturë që na tërhoqi të vinim këtu”, tha arkeologu.

Profesori i arkeologjisë veçon se duhet të vijojnë gërmimet që brezat e ardhshëm të zbulojnë pasurinë që fshihet në Apoloni .

“Në 1992 kemi punuar krah për krah me kolegët shqiptarë. Kemi botuar katër vëllime të mbishkrimeve ku ka të dhëna shumë interesante e që nuk gjenden  gjëkundi. E rëndësishme është Apolonia, pa ekzagjerime e them se është një  nga çelësat që zbulon sekretet e lashtësisë të gjithë kësaj zone. Apollonia është një vend shumë i pasur e që akoma nuk është zbuluar sa duhet nga arkeologët dhe këtu ka shumë punë për të bërë për brezat e ardhshëm të arkeologjisë”, u shpreh Pierre Cabanes.

Pier Kaban arkeolog francez është drejtori i parë i gërmimeve franko shqiptare në Apoloni. Pierre ndodhet në Shqipëri në kuadër të Kuvendit Ndërkombëtar  të studimeve Albanologjike ku u nderua me dekoraten "Gjergj Kastrioti Skënderbeu".   

SI.E./J.GJ./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se lufta ndaj nëndeklarimit të pagave do rrisë ndjeshëm pensionet?

Lajme të tjera



×

Lajmi i fundit

Rusia dënon me mbi 4 vjet burg ish punonjësin e konsullatës amerikane

Rusia dënon me mbi 4 vjet burg ish punonjësin e konsullatës amerikane

2 Nëntor, 20:55