Kombëtarja shqiptare e futbollit fitoi 1-0 kundër Letonisë në Tiranë, për sfidën e Grupit K kualifikues të Kupës së Botës 2026. Pas ndeshjes foli Arlind Ajeti. Mbrojtësi kuqezi luajti 90 minuta dhe thotë se ekipi mund të shënonte golin e dytë. Ndeshja e radhës për kuqezinjtë është më 11 tetor në Beograd kundër Serbisë dhe Ajeti kërkon këtë mentalitet.

“Besoj që kemi bërë një ndeshje shumë të mirë, shumicën e kohës e kishim topin, e qarkulluam shumë mirë, krijuam raste, patëm mundësi të shënonim edhe golin e dytë që na e kishte lehtësuar shumë ndeshjen.

Prapë se prapë 1-0 nuk është keq, nuk morëm gol prapa dhe kjo është e rëndësishme. Gjithmonë, jemi falenderues për tifozët tanë, na mbështesin jashtë mase në çdo ndeshje si në shtëpi, si jashtë. Pa ta nuk bëjmë dot asgjë.

Ishte një ndeshje e rëndësishme, morëm 3 pikë dhe shpresoj të shkojmë kështu edhe në Serbi”, deklaroi Ajeti.

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 28 Janar, 09:18

    Burg deri në një vit për parkim dysh, si e vlerësoni?

Lajme të tjera