Drejtori Sportvi i klubit më të titulluar në Zvicër, Marco Streller ka nisur kontaktet me lojtarët që do të kërkojë të afrojë në merkaton e verës.
Prestigjiozja zviceriane “Blick” shkruan me siguri se edhe sulmuesi i kombëtares së Shqipërisë, i cili luan për Luganon, tashmë është një element që po monitorihet nga Bazeli.
Sipas informacionit që jep “Blick”, kampionët e Zvicrës nuk do të pësojnë ndonjë revolucion, por e sigurt është se do të bazohen te lojtarë të rinj në moshë dhe Sadiku e plotëson këtë kusht.
“Blick” ka paraqitur përmes një liste, emrat e lojtarëve që janë kandidatë për të veshur fanellën e Bazelit sezonin e ardhshëm, ku gjendet edhe Armando Sadiku.
Në rast se do të ndodhte një transferim i tillë, Sadiku do të bashkohej me Taulant Xhakën te skuadra kampione e Zvicrës.
Sadiku është në kontratë me Zyrihun, klubi që ka në pronësi kartonin e tij dhe që e ka huazuar aktualisht sulmuesin te Lugano.
Redaksia Online
l.q/Shqiptarja.com