Bombardimet mes Izraelit dhe Palestinës nuk kanë të ndalur dhe pavarësisht thirrjeve të shumta për armëpushim nga ndërkombëtar ai duket ende shumë larg. Gjatë natës së mbrëmshme 122 bomba janë hedhur nga ushtria izraelite në intervalin kohor të 25 minutave.
Ndërkohë që sipas kryeministrit izraelit bombardimi nëntë ditor “e ka kthyer Hamasin me vite prapa”. Hamasi, grupi palestinez që udhëheq Gazën, ka pësuar “goditje të papritura” dhe operacionet “do të vazhdojnë derisa të rivendoset qetësia për qytetarët izraelitë”, tha Netanyahu.
“Nuk kam asnjë dyshim se ne i kthyem ata për shumë vite prapa. Jam i sigurt se të gjithë armiqtë tanë e shohin çmimin që kemi për agresionin kundër nesh. Jam i sigurt se ata do ta mësojnë mësimin”, tha Netanyahu.
në një kohë që tensionet vazhdojnë të rriten dhe numri i viktimave po ashtu, thirrjet e ndërkombëtareve për paqe po shtohen orë pas ore.
Franca ka paraqitur një projekt-rezolutë në Këshillin e Sigurimit të Kombeve të Bashkuara, në bashkërendim me Egjiptin dhe Jordaninë, duke kërkuar një armëpushim. Më herët të martën, Izraeli hapi për pak kohë një kalim kufitar në Gaza për të lejuar një autokolonë të ndihmave për të hyrë. Sidoqoftë, vendkalimi u mbyll përsëri pasi u sulmua nga raketa palestineze.
Ndërkohë që ditën e djeshme edhe ministrat e jashtëm të BE u mblodhën për të diskutuar në lidhje me situatën në Gaza, të cilët bënë thirrje që t’i jepet fund konfliktit. Megjithatë Hungaria është i vetmi vend i Bashkimit Evropian që nuk mbështet një deklaratë të unionit që kërkon një armëpushim midis Izraelit dhe Palestinës. Ministri i Jashtëm i Hungarisë, Peter Szijjarto i tha agjencisë së lajmeve AFP: “Unë kam një problem të përgjithshëm me deklaratat evropiane mbi Izraelin (…) Ato janë të njëanshme dhe nuk ndihmojnë shumë, veçanërisht në rrethanat aktuale, kur tensionet janë kaq të larta”.
Nëntë ditë përplasje të vazhdueshme mes Izraelit dhe Palestinës kanë shkaktuar vdekjen e të paktën 220 palestinezë, nga të cilët 63 janë fëmijë dhe rreth 1,500 të tjerë kanë mbetur të plagosur. Kurse, në Izrael kanë humbur jetën 12 persona duke përfshirë dy fëmijë, ndërsa të paktën 300 të tjerë kanë mbetur të plagosur.
Ndërkohë që sipas agjencisë së ndihmës së Kombeve të Bashkuara janë zhvendosur më shumë se 52,000 palestinezë nga sulmet ajrore izraelite që kanë shkatërruar ose dëmtuar gati 450 ndërtesa në Rripin e Gazës. Rreth 47,000 nga njerëzit e zhvendosur kanë kërkuar strehim në 58 shkolla të drejtuara nga OKB në Gaza. Jens Laerke, një zëdhënës i Zyrës së Kombeve të Bashkuara për Koordinimin e Çështjeve Humanitare tha se 132 ndërtesa ishin shkatërruar plotësisht dhe 316 ishin dëmtuar rëndë, duke përfshirë gjashtë spitale dhe nëntë qendra të kujdesit shëndetësor parësor, si dhe një impiant për shkripëzimin, duke ndikuar në aksesin në ujë të pijshëm për rreth 250,000 njerëz.
Në një deklaratë të veçantë mbi konfliktin, grupi i të drejtave “Amnesty International” tha se sulmet ajrore të Izraelit në ndërtesat e banimit mund të përbëjnë krime lufte.
Lajme të tjera
-
Lufta e Izraelit me Hezbollahun/ Hyn në fuqi armëpushimi, festë në rrugët e Bejrutit
27 Nëntor, 07:26 -
Netanyahu: Po armëpushimit në Liban, nëse Hezbollah shkel marrëveshjen ne do e godasim! Biden: Hyn në fuqi nesër
26 Nëntor, 07:16 -
Cilat janë pengesat për arritjen e armëpushimit mes Izraelit dhe Hezbollahut?
25 Nëntor, 22:54 -
Lufta/ Bombardime mes Izraelit dhe Hezbollahut, 16 të vrarë dhe dhjetëra të plagosur! 20 raketa nga Libani drejt Galilesë, Hamas: Mbi 44 të vdekur në 13 muaj
25 Nëntor, 13:54 -
Televizioni publik izraelit: Marrëveshja për armëpushim në Liban është gati! Gjendet i pajetë në Abu Dhabi një rabin! Arrestohen 3 persona si të dyshuar për vrasjen e tij
24 Nëntor, 07:55 -
Arrestohet shqiptarja në Londër! Shkoi në protestat pro-Palestinës, dëmtoi kompaninë izraelite të armëve
23 Nëntor, 17:27 -
DW: Arrestimi i Netanjahut në Gjermani vështirë të përfytyrohet
23 Nëntor, 12:43 -
LIban/ Izraeli sulmon Bejrutin me raketa ‘bunker busters’, synonin oficerin e lartë të Hezbollahut! 16 viktima
23 Nëntor, 09:33 -
Lufta/ Bombardimet në Liban, një tjetër sulm ndaj forcave paqeruajtëse të UNIFIL, raportohet për 4 ushtarë të plagosur në bazën italiane! Reagojnë Meloni e Borrell
22 Nëntor, 16:28 -
Kryeministri i Hungarisë zotohet të shpërfillë urdhër arrestin ndërkombëtar për homologun izraelit, Orban: Do e ftoj Netanyahun, por s’do e zbatoj vendimin e gjykatës
22 Nëntor, 11:41 -
GJNP urdhër-arrest ndaj Netanjahut dhe ish-ministrit të Mbrojtjes Gallant! Çfarë do të thotë kjo dhe çfarë pasojash mund të ketë ndaj Izraelit?
22 Nëntor, 09:39 -
Urdhërarresti për Netanjahun dhe ish-ministrin e Mbrojtjes, Biden: Skandaloz! 44 mijë viktima në 13 muaj luftë
22 Nëntor, 07:28
